سۆران عومه‌ر: ناردنی پاره بۆ هه‌رێم راگیرا
وێستگه‌نیوز-
سۆران عومه‌ر ئه‌ندامی په‌رله‌مانی عێراق له‌سه‌ر فراكسیۆنی كۆمه‌ڵی دادگه‌ری رایگه‌یاند كه چاره‌نووسی مووچه‌ی مانگی یه‌ك تائێستا دیار نییه و ناردنی پاره بۆ هه‌رێم راگیراوه.
ئه‌مڕۆ شه‌ممه سۆران عومه‌ر له لێدوانێكدا بۆ رۆژنامه‌نووسان وتی: "هه‌موو ته‌مویلێكی مووچه‌ی مانگی یه‌كی هه‌رێم راگیراوه و كێشه‌كان كه‌ڵه‌كه بوون".
وتیشی: "به‌داخه‌وه وه‌ڵام و وه‌ڵامكارییه‌كانی نێوان هه‌ردوو وه‌زاره‌تی دارایی عێراق و هه‌رێم ئه‌وه‌نده‌ی تر بارگرژی دروست كردووه".
جه‌ختیشی له‌وه كرده‌وه كه "پێویسته شاندێكی شاره‌زا له ئاستێكی باڵا بێنه به‌غدا و به روونی بابه‌تی داهات و ته‌وتین و كێشه‌ی مووچه یه‌كلایی بكه‌نه‌وه، ده‌نا كێشه‌كان كه‌ڵه‌كه بوون و هی 2024 هاتووه‌ته 2025 بۆیه مووچه‌ی مانگی یه‌ك هیچ ئاقارێكی دیار نییه و هه‌موو ته‌مویلێكیش وه‌ستاوه".
ئه‌و په‌رله‌مانتاره راشیگه‌یاند كه "وه‌ڵام و وه‌ڵامكارییه‌كه‌ی حكومه‌تی هه‌رێم گیرفانی مووچه‌خۆرانی پڕنه‌كردووه‌ته‌وه و بۆ ئه‌وه‌یه كه مووچه‌ی مانگی 12 نه‌درێت".
PM:04:15:18/01/2025
ئه‌م بابه‌ته 680
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت