عەلی حەمە ساڵح ئەنجام و بەدواداچوونی لێکۆڵینەوەکانی گرێبەستی وەزارەتی تەندروستی ڕادەگەیەنێت
وێستگەنیوز-
عەلی حەمە ساڵح، سەرۆکی رەوتی هەڵوێست ئەنجام و بەدواداچوونی لێکۆڵینەوەکانی گرێبەستی وەزارەتی تەندروستیی هەرێمی کوردستان کە لەگەڵ چەند کۆمپانیایەک کردوویەتی بۆ بەڕێوەبردنی تاقیگەی بەشێک لە نەخۆشخانەکان راگەیاند.
ئەمڕۆ سێشەممە 14ی کانونی دووەمی 2025، لە کۆنگرەیەکی رۆژنامەوانیدا کە شاهین فواد، پەیامنێری وێستگەنیوز لە هەولێر ئامادەی بوو عەلی حەمە ساڵح رایگەیاند، "ماوەی چەند رۆژێکە کارەکانی ئەو کۆمپانیایانە لە زۆربەی نەخۆشخانەکان راگیراوە، بەڵام نازانین راگرتنەکە ستراتیژە یان تەکنیکە".
هەروەها لە وەڵامی پرسیارێکی پەیامنێری وێستگەنیوز کە پرسی حکومەتی هەرێم کە ماوەی بەسەرچووە دەتوانێت رێککەوتن واژۆ بکات عەلی حەمە ساڵ وتی، "بەهیچ شێوەیەک نابێت حکومەتی کاربەڕێکەر رێککەوتن واژۆ بکات، بەڵکو تەنها دەتوانێت کارەکەی بۆ بەڕێوەبردنی کاروباری رۆژانەیە".
PM:12:46:14/01/2025
ئه‌م بابه‌ته 264
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت