ئاراز ئیبراهیم: زیاتر لە 200 تیم لە سنووری ئیدارەی راپەرین زانیارییەکان کۆدەکەنەوە
وێستگەنیوز_
ئاراز ئیبراهیم بەڕێوەبەری بەڕێوەبەرایەتی ئاماری ڕاپەڕین رایگەیاند، "زیاتر لە 200 تیم لە سنووری ئیدارەی راپەرین زانیارییەکان کۆدەکەنەوە"
ئەمرۆ چوارشەممە 20ـی تشرینی دووەمی 2024، ئاراز ئیبراهیم چەند زانیارییەکی بۆ وێستگەنیوز خستەڕوو تێیدا وتی: پرۆسەی دووەمی سەرژمێری بەردەوام دەبێت و داواکارین هەموو هاوڵاتیان کار ئاسانی بۆ تیمەکانمان بکەن بۆ ئەوەی لە ماوەی ئەو 48 کاتژمێرەی دیاریکراوە، بتوانن کارەکانیان بە کۆتا بگەیەنن.
ئاماژەی بەوەشکرد، زیاتر لە 200 تیمی سەرژمێری و ئامار لە هەموو سنووری ئیدارەی راپەرین کە پێکهاتوون لە هەزار و 314 بژمێر؛ کاردەکەن و زانیاری لە خێزانەکان وەردەگرن.
دەشڵێت: هاوڵاتیان زۆر بە پەرۆشەوە هەوڵدەدەن پرۆسەکە سەرکەوتوو بێت و هاوکاری تیمەکانمان دەکەن.
زانیاری زیاتر لەم ڤیدیۆیەدا ببینە:
PM:02:19:20/11/2024
ئه‌م بابه‌ته 240
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت