شاسوار عەبدولواحید: نەوەی نوێ 112 سکاڵای لەسەر پرۆسەی هەڵبژاردنی پەرلەمانی کوردستان تۆمار کردووە

وێستگەنیوز-

سەرۆکی جوڵانەوەی نەوەی نوێ رایدەگەیەنێت، پاڵپشتی بەردەوامی دەنگدەرانی نەوەی نوێ دەبن، ئاماژە بەوەدەکات، پارتی و یەکێتی لە هەڵبژاردنەکانی تر 78 کورسی بووەتە 62 کورسی.

ئەمڕۆ پێنجشەممە 24ی تشرینی یەکەمی 2024، شاسوار عەبدولواحید، سەرۆکی جوڵانەوەی نەوەی نوێ لە کۆنگرەیەکی رۆژنامەوانیدا رایگەیاند، "بە هەموو قورسایی خۆمانەوە لە پشتی دەنگدەرانی نەوەی نوێ دەبین".

لەئاماژەی بەوەشکرد، "جوڵانەوەی نەوەی نوێ 112 سکاڵای لەسەر پرۆسەی هەڵبژاردنی پەرلەمانی کوردستان تۆمار کردووە، چاوەڕێین بزانین وەڵامی سکاڵاکانمان چی لێدێت".

ئەوەشی خستەڕوو، "پارتی و یەکێتی لە هەڵبژاردنەکانی تر 78 کورسی بوو، لەم هەڵبژاردنە ژمارەی کورسییەکانیان بووەتە 62 کورسی".

شاسوار عەبدولواحید وتی، "هەڵەی حزبەكانی تر دووبارە ناكەینەوە، ئەبێ ئەوان لە دەرگای نەوەی نوێ بدەن، لەو حزبانە نین بە دوو سێ كورسی رازی بین و بچینە حكومەت".

سەرۆکی جوڵانەوەی نوێ وتیشی، "لەئێستاوە دەسەڵات کاردەکات بۆ دەنگدانی ساڵی داهاتوو تاوەکو رێژەی بەشداری دەنگدان کەم بکاتەوە".

AM:11:20:24/10/2024

ئه‌م بابه‌ته 236 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت