خۆپیشاندانی خوێندكاران له سلێمانی ده‌ستیپێكرده‌وه
وێستگەنیوز-
بەرەبەیانی ئەمڕۆ یەکشەممە بەشێک لە خوێندکارانی زانکۆ لە سلێمانی، ئیدارەی راپەڕین، کۆیە و پارێزگای هەڵەبجە بایکۆتی هۆڵەکانی خوێندنیان کرد و داوایان لە وەزارەتی خوێندنی باڵا و حکومەتی هەرێم کرد دەرماڵەی زانکۆیان بۆ خەرج بکات کە ماوەی چەندین ساڵە بە "نایاسایی" راگیراوە.
بەرەبەیانی ئەمڕۆ یەکشەممە (5ی کانونی یەکەمی) لەسلێمانی، رانیە، کۆیە، هەڵەبجە و ژمارەیەک ناوچەی دیکەش خۆپیشاندانی خوێندکارانی زانکۆ دەستیپێکردەوە و خوێندکاران داوای "گەڕانەوەی دەرماڵە، گەڕانەوەی شکۆ بۆ زانکۆکان، نەهێشتنی رۆڵی حزب لە زانکۆکان، دابینکردنی پێداویستییە سەرەکییەکانی بەشە ناوخۆییەکان، کەمکردنەوەی جیاوازی لەنێوان زانکۆ حکومی و ئەهلییەکان بەتایبەت لەڕوی وەرگرتنی کۆنمرەوە" دەکەن.
خوێندکارانی ناڕازی دەڵێن، ئەگەر وەڵامی داواکارییەکانیان نەدرێتەوە هەڵوێستی دیکەیان دەبێت، هەروەها هۆشداریش دەدەن لەوەی ژمارەیەک لایەن "بەپلان هەوڵیانداوە کۆبوونەوەکانمان بەلاڕێدا بەرن ".
AM:11:54:05/12/2021
ئه‌م بابه‌ته 5036
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت