نێچیرڤان بارزانی و وەزیری گەشەپێدانی ئەڵمانیا تاوتوێی هاریکاریی هاوبەش دەکەن
وێستگەنیوز- نێچیر کەمال
نێچیرڤان
بارزانی لەگەڵ وەزیری گەشەپێدانی ئەڵمانیا و شاندێکی یاوەری کۆبووەوە و هەردوولا جەختیان
لە خواستەکانیان بۆ فراوانکردنی پەیوەندییەکان کردەوە.
ئەمڕۆ سێشەممە 17ی تشرینی دووەمی 2026، نێچیرڤان بارزانی، سەرۆکی هەرێمی کوردستان،
پێشوازیی لە ڕیم ئالابالى ڕادۆڤان، وەزیری فیدراڵیی هاریکاریی ئابووری و گەشەپێدانی
ئەڵمانیا و شاندێکی یاوەری کرد کە لە ژمارەیەک ئەندامانی پەرلەمانی ئەڵمانیا و بەرپرسانی
وەزارەت و بهڕێز کاربەڕێکەری باڵیۆزخانەی ئەڵمانیا لە بەغدا، پێكهاتبوو.
لە کۆبوونەوەيهکدا،
پەیوەندییەکانی ئەڵمانیا لەگەڵ عێراق و هەرێمی کوردستان، برەودان بە هاریکاریی هاوبەش
لە بوارەکانی گەشەپێدان، ئابووری، وەبەرهێنان و بەردەوامیی پشتیوانییەکانی ئەڵمانیا
بۆ هەرێمی کوردستان تاوتوێکران.
نێچيرڤان بارزانى
سوپاس و پێزانینی هەرێمی کوردستانی بۆ پشتگیرییە بەردەوامەکانی ئەڵمانیا لە بوارە جیاوازەکاندا
دووپاتکردەوە و جەختی لە خواستی هەرێمی کوردستان بۆ فراوانکردنی پەیوەندی و هاریکارییەکان
لەگەڵ ئەڵمانیا کردەوە.
لای خۆیەوە، وەزیری
گەشەپێدانی ئەڵمانیا خۆشحاڵیی خۆی بە سەردانی هەرێمی کوردستان دەربڕی و پابەندیی وڵاتەکەی
بە بەردەوامیی پشتیوانی و هاریکاری لەگەڵ عێراق و هەرێمی کوردستان لە بوارەکانی ئابووری
و گەشەپێدان و سەقامگیریدا دووپاتکردەوە.
دۆخی ئێزدییان،
دوایین پێشهاتەکانی ناوچەکە و چەند پرسێکی دیکەی جێی بایەخی هاوبەش، تەوەرێکی دیکەی
کۆبوونەوەکە بوو كه بهڕێز کونسوڵی گشتیی ئەڵمانیا لە هەرێمی کوردستان، ئامادهى بوو.
PM:01:35:17/11/2026
ئهم بابهته 152
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت