دادگای سلێمانی: کڕینی خانووبەرە لەلایەن هاووڵاتییانی عێراقەوە هیچ بەربەستێکی یاسایی لەسەر نییە
وێستگەنیوز-
سەرۆکایەتیی دادگای تێهەڵچوونەوەی
ناوچەی سلێمانی روونکردنەوەیەکی سەبارەت بە بڕیارێکی دادگای کارگێڕیی سلێمانی
بڵاوکردەوە و جەختی کردەوە، دەستوور و یاساکان گەرەنتی مافی خاوەندارێتیی
خانووبەرە بۆ سەرجەم هاووڵاتییانی عێراق دەکەن بەبێ جیاکاری.
بەپێی روونکردنەوەکەی سەرۆکایەتیی
دادگای تێهەڵچوونەوەی سلێمانی کە لە ڕێکەوتی 2026/10/21 دەرچووە، بڕیاری ژمارە (57/ک/2026)ـی دادگای کارگێڕیی سلێمانی کە لە راگەیاندنەکاندا لێکدانەوەی جیاوازی بۆ
کراوە، تەنها هەڵوەشاندنەوەی فەرمانێکی کارگێڕییە لە رووی تایبەتمەندێتییەوە و
تاوەکو ئێستا پلەی بنەبڕیی وەرنەگرتووە، بەوەش ناکرێت گشتاندن بۆ ئەو حاڵەتە
تایبەتە بڕیار لێدراوە بکرێت.
ئاماژەی بەوەش داوە، بابەتی
خاوەندارێتیی خانووبەرە لە شاری سلێمانی هاوشێوەی شارەکانی تری عێراق لەلایەن
دەستوور و یاسای تۆمارکردنی خانووبەرەوە رێکخراوە، و هیچ بەربەستێکی یاسایی نییە رێگربێت
لەوەی هاووڵاتیانی ناوچەکانی تری عێراق ببنە خاوەنی شوقە و خانووبەرە، چونکە بەپێی
دەستوور هەمووان لە ماف و ئەرکدا یەکسانن.
PM:11:28:21/10/2026
ئه‌م بابه‌ته 232
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت