بزووتنەوەی نوجەبا: بەشداری لە پرۆسەی سیاسی ناکەین و چەکیش رادەست ناکەین
وێستگەنیوز-
عەبدولقادر کەربەلایی بەڕێوەبەری
سەربازیی بزووتنەوەی نوجەبا جەخت لەسەر هەڵوێستی نەگۆڕی بزووتنەوەکەی دەکاتەوە لە رەتکردنەوەی
بەشداریکردن لە پرۆسەی سیاسی و دەستبەرداربوون لە چەک.
لە راگەیەندراوێکدا، کەربەلایی وەڵامی ئەو
دەنگۆیانەی دایەوە کە لەلایەن هەندێک دەزگای راگەیاندنەوە بڵاوکرابوونەوە و
دووپاتیکردەوە، بڕیاری بەشدارینەکردنیان لە پرۆسەی سیاسی نەگۆڕە و مانەوەیان لەناو
خەڵکدا هەڵبژاردووە بۆ ئەوەی دەنگی ئەوان بن لە داواکردنی مافەکانیان و هاوبەشی
خەمەکانیان بن.
سەبارەت بە دۆسیەی چەکیش، رایگەیاند، لە
زمان و ئەدەبیاتی بزووتنەوەکەیاندا هیچ واتایەک بۆ دەستەواژەکانی (رادەستکردن یان
داماڵینی) چەک بوونی نییە، لە کۆتاییشدا هیوای خواست عێراق ببێتە وڵاتێکی
گەشەسەندوو، خاوەن سەروەریی تەواو و دوور لە گەندەڵی.
PM:05:03:21/10/2026
ئه‌م بابه‌ته 256
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت