لە نەخۆشخانەی هیوا میوانخانەیەک بۆ تووشبووان و هاوەڵی نەخۆشی شێرپەنجە دروست دەکرێت
وێستگەنیوز-
بەرێوەبەری نەخۆشخانەی هیوا رایگەیاند، بە مەبەستی
خزمەتکردنی ئەو نەخۆشانەی لە دەرەوەی سلێمانی و شارەکانی عێراقەوە روودەکەنە
نەخۆشخانەکە و پێویستیان بە مانەوە دەبێت، میوانخانەیەکی تایبەت لە نزیک نەخۆشخانەکە دروست دەکرێت، بەمەش نەخۆشخانەی هیوا
دەبێتە یەکەم سەنتەری شێرپەنجە لە هەرێمی کوردستان و عێراق کە خاوەنی ئەم
خزمەتگوزارییە بێت.
ئاماژەی بەوەش کرد، لە نوسینگەی جێگری سەرۆکی حکومەتی هەرێمی
کوردستان، کۆبوونەوەیەک بە سەرپەرشتیی بەرپرسی نوسینگەی قوباد تاڵەبانی و بە
ئامادەبوونی د. یاد نەقشبەندی، بەڕێوەبەری نەخۆشخانەی هیوا، و خێرخوا (حاجی کاروان
گرانجان و پەیوەند کاروان) بەڕێوەچوو، کە تێیدا بڕیاردرا پرۆژەکە لەسەر ئەستۆی ئەو
خێرخوازانە و لەژێر سەرپەرشتیی بەشی ئەندازیاریی تەندروستیی سلێمانی جێبەجێ بکرێت.
دەشڵێت، لە کۆبوونەوەکەدا، نوسینگەی قوباد تاڵەبانی پاڵپشتیی
تەواوی خۆی بۆ پرۆژەکە دەربڕی و بڕیاریدا تەواوی کارە کارگێڕی و ئیداری و
یاساییەکانی پرۆژەکە لە رێگەی بەشی یاسایی نوسینگەکەیانەوە ئاسانکاری و جێبەجێ
بکرێن.
PM:08:21:19/10/2026
ئه‌م بابه‌ته 180
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت