پلەکانی گەرما دادەبەزن و شەپۆلێکی نوێی بارانبارین هەرێم دەگرێتەوە
وێستگەنیوز-
لە سبەینێ دووشەممەوە
بەهۆی هاتنی بارستە هەوایەکی ساردی جەمسەری لە رۆژهەڵاتی ئەوروپاوە، پلەکانی گەرما
لە ناوچە جیاوازەکانی هەرێمی کوردستان و عێراق (3تا 4) پلەی سیلیزی دادەبەزن.
کەشناس هەڤاڵ سدیق گەڵۆزی رایگەیاند، پاشەکشەی ئەو بەرزە
پەستانەی لە چەند رۆژی رابردوودا کاریگەریی لەسەر ناوچەکانی گەرمیان، سلێمانی،
هەڵەبجە و راپەڕین هەبوو، رێگە خۆش دەکات بۆ هاتنی کەشوهەوایەکی ناسەقامگیر و
باشتربوونی دۆخی بارانبارین لە سەرجەم ناوچەکاندا.
دەشڵێت، بەپێی پێشبینییەکان، لە رۆژی سێشەممەوە بەهۆی
هاتنی شێی خولگەیی ناسەقامگیری بۆ کەشوهەوا دەگەڕێتەوە، هەروەها لە رۆژانی
چوارشەممە و پێنجشەممەدا کاریگەریی ئەم شەپۆلە بارانبارینە زیاتر و چڕتر دەبێتەوە.
PM:08:03:18/10/2026
ئه‌م بابه‌ته 348
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت