شەپۆلێکی بارانبارین و ناسەقامگیر روو لە عێراق و هەرێمی کوردستان دەکات

وێستگەنیوز-

شەپۆلێکی ناسەقامگیریی کەشوهەوا ناوچەکانی عێراق و هەرێمی کوردستان دەگرێتەوە و لە ئێستادا لە رێگەی مانگە دەستکردەکانەوە دەرکەوتووە، کە هەوری خۆڵەمیشی دێتە ناوچەکانی رۆژئاوای پارێزگای موسڵ و ئەنبار و بارانبارین لە بەشێک لەو ناوچانە دەستی پێ کردووە.

بەپێی زانیارییەکانی کەشوهەوا، لە کاتەکانی ئێوارەی ئەمڕۆ چوارشەممە و بۆ درەنگانی ئەمشەو، هەوری چڕی باراناوی لە سەرجەم ناوچەکانی هەرێمی کوردستان دروست دەبێت، بە جۆرێک کە باران و هەورەبروسکە بەشێکی زۆر لە ناوچەکانی هەرێم دەگرێتەوە.

بڕ و جۆری بارانبارینەکە بەپێی هەڵکەوتەی جوگرافی و تۆبۆگرافی دەگۆڕێت، لە ناوچە شاخاوییەکان بڕی بارانبارینەکە زیاتر دەبێت و ئەگەری نمەباران بۆ بارانی مامناوەند هەیە.

جێگەی ئاماژەیە، کاریگەریی ئەم کەشە ناسەقامگیرە بە پچڕ پچڕی لە رۆژانی پێنجشەممە و هەینی و شەممەدا بەردەوام دەبێت.

PM:10:57:14/10/2026

ئه‌م بابه‌ته 564 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت