نێچیرڤان بارزانی و کونسوڵی ئەمریکا لە هەرێم: پێویستە پەلە بکرێت لە پێکهێنانی کابینەی نوێی حکومەت

وێستگەنیوز-

لە کۆبوونەوەیەکدا لە هەولێر، نێچیرڤان بارزانی، سەرۆکی هەرێمی کوردستان و گویندەلن گرین، کونسوڵی گشتیی ئەمریکا لە هەرێمی کوردستان، جەختیان لە گرنگیی تەباییی ناوخۆیی و پەلەکردن لە هەنگاوەکانی پێکهێنانی کابینەی نوێی حکومەتی هەرێمی کوردستان کردەوە.

ئەمڕۆ چوارشەممە (14ـی تشرینی یەکەمی 2026)، نێچیرڤان بارزانی پێشوازی لە کونسوڵی گشتیی ئەمریکا کرد و لە دیدارەکەدا پەیوەندییەکانی ئەمریکا لەگەڵ عێراق و هەرێمی کوردستان، دۆخی ناوخۆی هەرێمی کوردستان و پەیوەندییەکانی نێوان هەولێر و بەغدا تاوتوێ کران.

بەپێی راگەیەنراوی فەرمیی سەرۆکایەتیی هەرێم، هەردوولا هاوڕا بوون لەسەر پێویستیی چارەسەرکردنی کێشەکانی نێوان هەولێر و بەغدا لەسەر بنەمای دەستوور و پاراستنی سەقامگیری، هەروەها دوایین پێشهاتە سیاسی و ئەمنییەکانی ناوچەکە بەگشتی تەوەرێکی دیکەی گفتوگۆکانی نێوانیان بوو.

PM:06:34:14/10/2026

ئه‌م بابه‌ته 312 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت