سبەینێ لە سەیدسادق 253 پارچە زەوی دابەش دەکرێت

وێستگەنیوز-

بەڕێوەبەرایەتیی گشتیی شارەوانییەکانی سلێمانی رایگەیاند، سبەینێ چوارشەممە پڕۆسەی دابەشکردنی 253 پارچە زەوی لە قەزای سەیدسادق بەسەر فەرمانبەران و چین و توێژە جیاوازەکاندا دەستپێدەکات.

بەپێی راگەیەندراوەکە، پڕۆسەی دابەشکردنی زەوییەکان بەپێی سیستەمی خاڵبەندی دەبێت و بە قۆناغ لە بەرزترینەوە بۆ نزمترین خاڵ بەردەوام دەبێت. لە کۆی ئەو زەوییانەش، 223 پارچەیان بۆ فەرمانبەران و خانەنشینان، 22 پارچە بۆ زیندانیانی سیاسی، و 8 پارچە زەویش بۆ وارسی شەهیدان تەرخانکراوە.

هاوکات شارەوانییەکانی سلێمانی داوا لە سەرجەم سوودمەندان دەکات لە کاتی ئامادەبوونیاندا، 5 کۆپی لە کارتی نیشتمانی و کارتی زانیاری، لەگەڵ بەڵگەنامە ئەسڵییەکانی خۆیان و هاوژینەکانیان پێبێت بە مەبەستی راییکردنی رێکارە یاساییەکان.

PM:01:51:13/10/2026

ئه‌م بابه‌ته 144 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت