بەڕێوەبەری بەشی پەروەردەی خورماتوو لە ڕێگەی وێستگەنیوزەوە سەرژمێری قوتابخانە و خوێندكارانی كوردی قەزاكە بڵاودەكاتەوە
وێستگه‌نیوز – محەمەد فاتیح
بەڕێوەبەری بەشی پەروەردەی خورماتوو لە ڕێگەی وێستگەنیوزەوە سەرژمێری باخچە و قوتابخانە و خوێندكارانی كوردی قەزاى دووزخورماتوو بڵاودەكاتەوە.
مامۆستا ئاریان سابر داوودی، بەڕێوەبەری بەشی پەروەردەی خورماتوو تایبەت بە وێستگەنیوزی راگەیاند، "كۆی گشتی قوتابخانەكانه كوردییەكانی قەزای دووزخورماتوو پێكهاتوون لە 3 باخچە و 19 قوتابخانەی سەرەتایی و 8 قوتابخانەی ناوەندی و یەك ئامادەیی و 3 قوتابخانەی دواناوەندی، كە ژمارەیان دەكاتە 34 قوتابخانە".
وتیشی، "ژمارەی خوێندكارانی كوردى قەزای دووزخورماتوو بە خوێندكارانی باخچەكانیشەوە دەگاتە 4600 خوێندكار".
بەڕێوەبەرایەتی گشتی پەروەردەی پارێزگای سەڵاحەدین لە 20/9/2026 بڕیاریدا ئاریان سابر داوودی وەك بەڕێوەبەری بەشی پەروەردەی دووزخورماتوو دەستبەكاربێت.
نووسەر و ئەدیبی كورد ئاریان سابر داوودی لە دایكبووی 1989یە و ئەندامی ئەنجومەنی ناوەندییە لە یەكێتی ئەدیبانی عێراق و خاوەنی چەندین بەرهەمە و چەندین خەڵاتی بەدەستهێناوە و بڕوانامەی بەكالۆریۆسى لە زمانی توركی وەرگرتووە له كۆلێژی پەروەردەی زانكۆی كەركوك.
AM:10:03:10/10/2026
ئه‌م بابه‌ته 380
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت