حەج و عومرەی عێراق: ئەمڕۆ ئەنجامی تیروپشکی ئەلیکترۆنیی حەج رادەگەیەنرێت

وێستگه‌نیوز – 

دەستەی باڵای حەج و عومرەی عێراق رایگەیاند، ئەمڕۆ یەکشەممە بە فەرمی ئەنجامی تیروپشکی ئەلیکترۆنیی حەج بڵاودەکاتەوە، هاوکات هۆشداریشی دا لە ئاشکراکردنی ئەنجامەکان لە رێگەی لاپەڕە و بەستەرە خەیاڵیەکانەوە.

حەج و عومرەی عێراق ئاشکراشی کرد، دوای تەواوکردنی رێکارەکان، ئەمڕۆ ئەنجامی تیروپشکی ئەلیکترۆنی بۆ فەریزەی حەج لە رێگەی ماڵپەڕی فەرمیی دەستەکە و لاپەڕە دانپێدانراوەکانی لە تۆڕە کۆمەڵایەتییەکان بە شێوەیەکی فەرمی بڵاودەکاتەوە.

داواشی لە هاووڵاتییان کرد، تەنیا پشت بە پلاتفۆڕمە فەرمییەکانی دەستەکە ببەستن بۆ وەرگرتنی ئەنجامەکان و بە هیچ جۆرێک بڕوا بەو ئەنجامانە نەکەن کە لە سەرچاوەی دیکەوە بڵاودەکرێنەوە.

لە کۆتاییی راگەیەندراوەکەدا، هۆشداریی تووندی دا بە پێشکەشکاران لە بەرامبەر بڕوابوون بە لاپەڕە گشتی و کەسییەکان و ئەو بەستەرە (لینک)انەی بانگەشەی بڵاوکردنەوەی ئەنجامەکان دەکەن، روونیشی کردەوە، ئامانج لەو لاپەڕانە هاککردن و دزینی زانیارییە کەسییەکانی هاووڵاتییان و یارییکردنە بە هەستی پێشکەشکاران، یان بەکارهێنانی بابەتەکەیە بۆ کۆکردنەوەی لایک و کارلێک لە تۆڕە کۆمەڵایەتییەکاندا.

AM:09:17:27/09/2026

ئه‌م بابه‌ته 104 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت