بەشێکی دیکەی پارەی گەنمی جوتیاران دابەشدەکرێت
وێستگەنیوز-
سایلۆی هەولێر ئاگادارییەکی ئاراستەی جووتیارانی سنووری پارێزگاکە کرد و رایگەیاند، ڕۆژی یەکشەممەی داهاتوو دەست بە دابەشکردنی چەکی شایستە داراییەکانی ساڵی 2025 دەکرێت و پارەکەش لە ڕێگەی بانکی بازرگانیی عێراق (TBI) خەرج دەکرێت.
ئەمڕۆ هەینی، 25ـی ئەیلوولی 2026، بەڕێوەبەرایەتیی سایلۆی هەولێر بڵاویکردەوە، "ڕۆژی یەکشەممە،27ـی ئەیلوولی 2026، دابەشکردنی چەکی پارەی جووتیارانی ساڵی 2025 دەست پێدەکات و پێویستە جووتیاران بەپێی خشتەی دیاریکراو و بەپێی ژمارەی زنجیرەکەیان ئامادە بن".
بەپێی راگەیەندراوەکەی سایلۆی هەولێر، پارەکە لە رێگەی لقی هەولێری بانکی بازرگانیی عێراقی (TBI) دەدرێتە جووتیاران.
هاوکات سایلۆی هەولێر چەند مەرج و رێنماییەکی بۆ وەرگرتنی چەکەکە دیاری کردووە:
ئەو کەسەی چەکەکە بەناویەتی دەبێت خۆی ئامادە بێت، یاخود بریکارەکەی ئامادە بێت بە مەرجێک بریکارنامەکە (وەکالە) پەسندکراو و نوێکراوەی ساڵی 2026 بێت.
هەروەها لە حاڵەتێکدا ئەگەر خاوەنی چەکەکە کۆچی دوایی کردبێت، پێویستە دابەشنامەی شەرعی یان یاسایی بهێنرێت، هاوکات بریکارنامەی (وەکالە)ی گشت میراتگرەکانی پێ بێت.
PM:04:23:25/09/2026
ئهم بابهته 144
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت