ڕێباز حەملان: مووچەی هەرێمی کوردستان مسۆگەرە و هاوشانی بەغدا دابەش دەکرێت

وێستگەنیوز-

یاریدەدەری سەرۆکی حکومەتی هەرێمی کوردستان ڕایگەیاند، مووچەی مووچەخۆرانی هەرێم مسۆگەر کراوە و لەمەودوا مانگانە هاوکات لەگەڵ بەغدا دابەش دەکرێت.

ڕێباز حەملان، یاریدەدەری سەرۆکی حکومەتی هەرێم رایگەیاند، مووچەی مووچەخۆرانی هەرێم هیچ مەترسییەکی لەسەر نامێنێت و لەمەودوا لەگەڵ حکومەتی فیدراڵیدا هاوڕەوت خەرج دەکرێت.

سەبارەت بە هەماهەنگییەکانی نێوان هەولێر و بەغدا، ناوبراو ئاماژەی بەوە کرد، دۆخی دارایی هەرێم و عێراق یەکسان بووەتەوە.

ئەم هاوسەنگییەش بەرهەمی پەیوەندیی نێوان هەردوو سەرۆک وەزیرانە کە بەردەوام لەسەر هێڵن بۆ بڕینەوەی ماف و شایستە داراییەکانی هەرێم.

دەشڵێت، سەرەڕای مسۆگەربوونی مووچە، ئامانجی سەرەکییان بریتییە لە وەرگرتنی تەواوی پشکی هەرێم لە بودجەی گشتیی عێراق.

PM:05:10:16/09/2026

ئه‌م بابه‌ته 272 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت