مەزڵوم عەبدی: سەردانی نێچیرڤان بارزانی بۆ سوریا مێژووییە و کاریگەری ئەرێنی دەبێت

وێستگەنیوز ـ

مەزڵوم عەبدی، فەرماندەی گشتی هەسەدە، پێشوازی لە سەردانی نێچیرڤان بارزانی، سەرۆکی هەرێمی کوردستان بۆ سوریا کرد و بە هەنگاوێکی مێژوویی وەسفی دەکات.

مەزڵوم عەبدی فەرماندەی گشتی هێزەکانی سوریای دیموکرات- هەسەدە، لە پەیامێکدا سەبارەت بە سەردانەکەی نێچیرڤان بارزانی بۆ دیمەشق و کۆبوونەوەی لەگەڵ ئەحمەد شەرعدا پەیامێکی بڵاوکردەوە و ڕایگەیاند: سەردانی مێژوویی سەرۆکی هەرێمی کوردستان، نێچیرڤان بارزانی بۆ سوریا، جێگەی خۆشحاڵییەکی گەورەیە.

فەرماندەی گشتی هەسەدە ئاماژەی بەوەش کردووە، نێچیرڤان بارزانی هەمیشە ڕۆڵێکی گرنگی هەبووە لە پشتیوانیکردنی دۆزی کورد لە سوریا و لە کوردستان بە گشتی.

لە کۆتایی پەیامەکەیدا، مەزڵوم عەبدی گەشبینی خۆی نیشانداوە و ڕایگەیاندووە: دڵنیاین ئەم سەردانە کاریگەرییەکی ئەرێنی لەسەر ئارامیی سوریا و چارەسەرکردنی دۆزی کورد لە ناوچەکەدا دەبێت.

AM:09:05:04/08/2026

ئه‌م بابه‌ته 468 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت