ئەلمۆنیتۆر: ئەمریکا دوایین هێزەکانی و سیستمی بەرگریی لە فڕۆکەخانەی هەولێر دەکێشێتەوە
وێستگەنیوز-
پێگەی ئەلمۆنیتۆر لە ڕاپۆرتێکی نوێدا ئاشکرای کردووە، سوپای ئەمریکا دەستی بە کشانەوەی دوایین هێزەکانی کردووە کە لە عێراق ماونەتەوە و لە نزیک فڕۆکەخانەی هەولێر جێگیرکرابوون.
بەپێی ڕاپۆرتەکە کە لە زاری چەند سەرچاوەیەکەوە بڵاوکراوەتەوە، پرۆسەی کشانەوەی هێزەکانی ئەمریکا لە هەفتەی ڕابردووەوە دەستیپێکردووە و تا ئێستا بەردەوامە.
ئاماژە بەوەش دراوە زۆرینەی سەربازەکان و چەکە قورسەکان و سیستمی بەرگریی ئاسمانی براونەتە دەرەوە.
ڕاپۆرتەکە جەختی لەوە کردووەتەوە کشانەوەی سیستمی بەرگریی ئاسمانیی ئەمریکا لە کاتێکدایە کە ئێران و گرووپە چەکدارە عێراقییەکان بەردەوامن لە کردنە ئامانجی هەولێر.
باس لەوەش کراوە کوردەکان سوودێکی زۆریان لەم پاراستنە ئەمنییە بینیبوو، بەڵام ئێستا وا هەست دەکەن هیچ بەرگرییەکیان نەماوە.
PM:10:33:31/07/2026
ئهم بابهته 632
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت