ئاگادارییەک بۆ خانەنشینانی کرێکار؛ کات و شوێنی دابەشکردنی مووچەی مانگی 7 راگەیەندرا

وێستگەنیوز-

بەڕێوەبەرایەتی گشتی کار و دەستەبەری کۆمەڵایەتی لە هەولێر بڕیاری دابەشکردنی مووچەی خانەنشینانی کرێکاری بۆ مانگی تەمووز دا و بەیانی سبەینێ پڕۆسەکە دەستپێدەکات.

ئەمڕۆ دووشەممە 27ـی تەمووزی 2026، بەڕێوەبەرایەتی دەستەبەری کۆمەڵایەتی بۆ کرێکاران لە هەولێر ئاگادارییەکی بڵاوکردەوە و تێیدا هاتووە: سبەینێ سێشەممە 28ـی تەمووز، دەست بە دابەشکردنی مووچەی مانگی 7ـی کرێکارانی خانەنشینکراوی ناوخۆی هەرێمی کوردستان دەکرێت.

سەبارەت بە شوێنی وەرگرتنی مووچەکانیان، بەڕێوەبەرایەتییەکە ڕوونکردنەوەی داوە کە خانەنشینان دەتوانن بۆ ڕاییكردنی مامەڵەکانیان و وەرگرتنی شایستە داراییەکانی مانگی تەمووزی ساڵی 2026، سەردانی بانکی فیدراڵ - نووسینگەی دێدەوان بکەن.

ئەم بڕیارە لە کاتێکدایە مانگانە لە رێگەی بەڕێوەبەرایەتییەکانی دەستەبەری کۆمەڵایەتییەوە، مووچەی ئەو کرێکارانە دابەش دەکرێت کە دوای ساڵانێکی زۆر لە کارکردن لە کەرتی تایبەت، ئێستا خانەنشین بوون و مافی خانەنشینی دەیانگرێتەوە.

PM:09:32:27/07/2026

ئه‌م بابه‌ته 120 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت