11 کیلۆمەتری دیکەی ڕێگەی دووسایدی دوکان - چوارقوڕنە دەکرێتەوە

وێستگەنیوز –

وەزارەتی ئاوەدانکردنەوە ڕایگەیاند، کارەکانی قۆناغێکی نوێی پڕۆژەی ڕێگەی دووسایدی دوکان - چوارقوڕنە تەواو بووە و هەفتەی داهاتوو بە ڕووی هاووڵاتییاندا دەکرێتەوە.

وەزارەتی ئاوەدانکردنەوە و نیشتەجێکردنی حکومەتی هەرێمی کوردستان بڵاویکردەوە، لە چوارچێوەی قۆناغەکانی 2 و 3ـی پڕۆژەکەدا، کارەکانی 11 کیلۆمەتری دیکە لە ڕێگاکە تاوەکو ناوچەی کانی وەتمان بەکۆتا هاتووە.

لە ئێستادا تەنها کارە تەکنیکییە وردەکان و هێڵکاریی ڕێگاکە ماوە، کە بڕیارە تاوەکو هەفتەی داهاتوو تەواو ببن و بە فەرمی بخرێتە خزمەت شۆفێرانەوە.

پڕۆژەی دووسایدی دوکان - چوارقوڕنە یەکێکە لە پڕۆژە ستراتیژییەکانی ناوچەکە، کە بەگشتی درێژاییەکەی دەگاتە 36.5 کیلۆمەتر.

حکومەتی هەرێمی کوردستان بڕی زیاتر لە 243 ملیار دیناری بۆ جێبەجێکردنی ئەم پڕۆژەیە تەرخان کردووە.

PM:08:33:23/07/2026

ئه‌م بابه‌ته 460 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت