سەرۆکایەتی شارەوانی کەلار وەڵامی چەندین داواکاری بۆ وەرگرتنی زەوی دایەوە

وێستگەنیوز-

ئەمڕۆ هەینی،17ـی تەممووزی 2026، سەرۆکایەتی شارەوانیی کەلار لە ڕاگەیاندراوایکدا وەڵامی ئەو فەرمانبەر و خانەنشینانەی دایەوە کە داواکارییان بۆ وەرگرتنی زەوی پێشکەشکردبوو

دوای ئەوەی فەرمانبەران و خانەنشینانی ناحیەکان داواکارییان پێشکەش کرد بۆ ئەوەی زەوییان لە کەلار پێ بدرێت، لەسەر ئەو داواکارییە:

ئیدارەی گەرمیان، لەگەڵ نووسینگەی قوباد تاڵەبانی جێگری سەرۆکی حکومەت و سەرۆکایەتی شارەوانیی کەلار دیراسەی بابەتەکەیان کرد.

لە ئەنجامدا بڕیاردرا لە قۆناغی دووەمی پرۆسەی دابەشکردنی زەویدا، چارەسەری گونجاو بۆ ئەو بابەتە بکرێت، بە جۆرێک کە بڕیارەکە لە بەرژەوەندیی فەرمانبەران و خانەنشینانی ناحیەکاندا بێت و ئەوانیش لە پرۆسەکە سوودمەند بن.

PM:09:57:17/07/2026

ئه‌م بابه‌ته 92 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت