باڵیۆزخانەی ئەمریکا لە بەغدا لە ئاگادارییەکی بەپەلەدا هاوڵاتیان ئاگادار دەکاتەوە
وێستگەنیوز-
باڵیۆزخانەی ئەمریکا لە
بەغدا ئاگادارییەکەی بەپەلەی بۆ هاوڵاتیانی بڵاوکردوەتەوە و دەڵێت "سەرەڕای
کردنەوەی کایەی ئاسمانی و دەستپێکردنەوەی گەشتە بازرگانییەکان، هێشتا مەترسییە ئەمنییەکان
لە عێراقدا لە ئارادان".
ئەمڕۆ سێشەممە، 5 ئایار 2026، باڵیۆزخانەی ئەمریکادا رایگەیاند، "ئاسمانی عێراق هێشتا ڕووبەڕووی
هەڕەشەی شاراوە دەبێتەوە بەهۆی ئەگەری هێرشی مووشەکی و فڕۆکەی بێفڕۆکەوان (درۆن)،
وە ئەو گروپە چەکدارانەی کە هاوپەیمانی ئێرانن،
بەردەوامن لە داڕشتنی پلان بۆ ئەنجامدانی هێرش دژی ئامانج و بەرژەوەندییەکانی ئەمریکا
لە عێراق".
باڵیۆزخانەکە جەختی
کردووەتەوە کە "کردنەوەی گەشتە ئاسمانییەکان بە واتای نەمانی مەترسی نایەت" و داوای لە هاوڵاتیانی خۆی کردووە کە بەوپەڕی
وریاییەوە مامەڵە بکەن.
PM:05:16:05/05/2026
ئهم بابهته 132
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت