ئاسایشی هەرێم: گروپێکی مادەی هۆشبەر دەستگیرکران و دەست بەسەر 1 ملیۆن حەبدا گیرا
وێستگەنیوز-
دەزگای ئاسایشی هەرێمی
کوردستان لە راگەیەنراوێکدا دەستگیرکردنی گروپێکی نێودەوڵەتی مادەی هۆشبەر لەچەند
پارێزگایەکی عێراق و هەرێم رادەگەیەنێت.
بەپێی راگەیەنراوەکە،
"لەماوەکانی ڕابردوودا و لە ئۆپراسیۆنێکی هەواڵگری هاوبەشی نێوان دەزگای هەواڵگری
نیشتمانی عێراق و ئاژانسی پاراستن و زانیاری/زانیاری و بەڕێوەبەرایەتی گشتی نەهێشتنی
ماددە هۆشبەرەکانی دەزگای ئاسایشی هەرێم، توانرا گروپێکی نێودەوڵەتی بازرگانیکردن
بەماددەی هۆشبەر لەچەند پارێزگایەکی عێراق و هەرێمی کوردستان دەستگیربکەن و دەستبگرن
بەسەر زیاتر لە یەک ملیۆن دەنک حەبی کاپتاگۆن و ( 100 )کیلۆگرام
ماددەی هۆشبەر لەجۆری حەشیش و ڕێگری لەناردنە دەرەوەی ماددەکان بۆ دەرەوەی وڵات
بکرێت".
هەروەها هاتووە؛
"لەئێستادا سەرجەم تۆمەتبارانی گروپەکە بەماددەی ( 28 )لەیاسای
ماددە هۆشبەرەکان و کارتێکارە عەقڵییەکان ژمارە(50)ی ساڵی 2017ی عێراقی ڕاگیراون و لێکۆڵێنەوە لەدۆسییەکانیان بەردەوامە".
PM:04:52:05/05/2026
ئهم بابهته 288
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت