چه‌ند زانیارییه‌كی به‌په‌له‌ له‌سه‌ر مردنی فاروق ره‌فیق


وێستگه‌نیوز -
پاش نیوه‌ڕۆی ئه‌مڕۆ سێشه‌مممه‌، فاروق ڕه‌فیق نوسه‌ر و رۆشنبیری كورد له‌شاری هه‌ولێر كۆچی دوایی كرد. 


فاروق ره‌فیق له‌ده‌زگایه‌كی رۆشنبیری شاری هه‌ولێر كه‌ له‌لایه‌ن پارتی دیموكراتی كوردستانه‌وه‌ پاڵپشتی ده‌كرا، كاری ده‌كرد . 

به‌پێی زانیارییه‌كانی وێستگه‌نیوز ئه‌مڕۆ ناوبراو نه‌چووه‌ بۆ ده‌وام، دواتر له‌كاتژمێرێكدا چه‌ندجارێك په‌یوه‌ندییان پێوه‌ كردووه‌ وه‌ڵامی نه‌بووه‌ ناچار چوون ده‌رگای شوقه‌كه‌یان شكاندووه‌ بینیویانه‌ كۆچی دوایی كردووه‌. 

ناوبرا نه‌خۆشییه‌كانی دڵ و زه‌خت و شه‌كره‌ی هه‌بوو. 

تاوكو ئاماده‌كردنی ئه‌م هه‌واڵه‌ به‌هۆی دووری ڕێگای هه‌ولێر - سلێمانی كه‌س و كاره‌كه‌ی نه‌گه‌یشتوون بۆ هه‌ولێر، پێده‌چێت سبه‌ی ته‌رمه‌كه‌ی بهێننه‌وه‌ بۆ سلێمانی.


PM:04:53:28/04/2026


ئه‌م بابه‌ته 12596 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت