رێگە بە ماتۆڕسکیل و ئۆتۆمبێلی بێسەرەتا نادرێت هاتوچۆ بکەن
وێستگەنیوز-
لیژنەی ئەمنی پارێزگای
هەڵەبجە لە ئاگادارییەکدا رایدەگەیەنێت لە ئەمڕۆ دووشەممە 27ی نیسان ڕێگە بە ماتۆڕسکیل
و ئۆتۆمبێلی بێسەرەتا نادرێت لەناوبازاڕ و شوێنە گشتیەکاندا هاتوچۆ بکەن.
لە ئاگادارییەکەدا
هاتووە، "ئاگاداری سەرجەم هاووڵاتیانی خۆشەویست و خاوەنی ئۆتۆمبێلە بێسەرەتاکان
و ماتۆڕسکیلەکان دەکەینەوە، کە لە سبەینێوە بە هیچ شێوەیەک ڕێگەپێدراو نییە لە ناو
بازاڕ و شوێنە گشتییەکاندا هاتوچۆ بکەن یان ئۆتۆمبێلەکانیان ڕابگرن؛ بە تایبەتی لە
ناوەندی بازاڕدا".
هەروەها هاتووە "داواکارین
هەمووان پابەندی ئەم بڕیارە بن، چونکە بە پێچەوانەوە دەست بەسەر هەر ئۆتۆمبێل و
ماتۆڕسکیلێکی سەرپێچیکاردا دەگیرێت و خاوەنەکانیان ڕووبەڕووی لێپرسینەوەی یاسایی
توند دەبنەوە".
AM:09:41:27/04/2026
ئهم بابهته 320
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت