دەنگدان بۆ هەڵبژاردنی سەرۆک کۆمار چووە گەڕی دووەم

وێستگەنیوز-

ئەمڕۆ شەممە، 11ـی نیسانی 2026، کۆبوونەوەی پەرلەمانی عێراق بۆ هەڵبژاردنی سەرۆک کۆمار بەڕێوەچوو، بەڵام بەشێک لە فراکسیۆن و پەرلەمانتاران بایکۆتی دانیشتنەکەیان کرد.

بەهۆی ئەوەی هیچ کام لە کاندیدەکان نەیانتوانی رێژەی یاسایی کە 220 دەنگە بۆ بوون بە سەرۆککۆمار بە دەستبهێنن، هەڵبژاردنەکە چووە گەڕی دووەم.

بەپێی ژمارەی دەنگەکان نزار ئامێدی و موسەننا ئەمین لە گەڕی دووەم وەکو بەربژێری سەرۆککۆمار دەمێننەوە.

دەنگی بەربژێران بەمجۆرە بوو:

نزار ئامێدی 208

فوئاد حوسێن 16

موسەننا ئەمین 17

پووچەڵ 9

ئەوانی دیکە 2

بڕیارە لە گەڕی دووەمدا، هەر کاندیدێک زۆرینەی سادەی دەنگەکان (1+50)ی ئەندامە ئامادەبووەکان بەدەستبهێنێت، وەک سەرۆککۆماری نوێی عێراق سوێندی یاسایی بخوات

ئەم دانیشتنەی پەرلەمان لە کاتێکدا بەڕێوەچوو کە هەریەکە لە فراکسیۆنی پارتی دیموکراتی کوردستان و هاوپەیمانیی دەوڵەتی یاسا و بزووتنەوەی حقوق ئامادەی کۆبوونەوەکە نەبوون.

PM:04:32:11/04/2026

ئه‌م بابه‌ته 92 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت