شاسوار عەبدوالواحید: ئێستاش پارتی و یەکێتی بەرپرسیارن لە خراپی حوکمڕانی هەرێم

وێستگەنیوز-

ئەمڕۆ شەممە 28ی شوباتی 2026، شاسوار عەبدولواحید، سەرۆکی جوڵانەوەی نەوەی نوێ دیدارێکی لەگەڵ رۆژنامەنووسان ئەنجامدا.

لەمیانەی دیدارەکەیدا شاسوار عەبدولواحید رایگەیاند، "لە کۆبوونەوەشدا لەگەڵ یەکێتی وتومە، ئێستاش پارتی و یەکێتی بەرپرسیارن لە خراپی حوکمڕانی هەرێم".

باسی لەوەشکرد، "ساڵێک پێش دەستگیرکردنم هەمان پرۆژەی ئێستام بۆ یەکێتی و لایەنەکانی دیکە خستەڕوو".

جەختی لەوەشکردەوە، تاوەکو نەچینە ناو حکومەت و دەنگ نەیەن بە حکومەت ئێمە بە هێزێکی ئۆپۆزسیۆن دەمێنینەوە.

بەشێک لە قسەکانی شاسوار عەبدولواحید:

-ئێمە فشار دەکەین بۆ باشترکردنی حوکمڕانی، پارتی و یەکێتی بە قسەمان نەکەن دەکشینەوە.

-بۆیە بە داوای پارتی رازی نەبووین هاوسەنگی هێز زیاتر تێکدەچوو، گرفتەکانیش چارەسەر نەدەبوو.

-پێکنەهێنانی حکومەتی هەرێمی کوردستان زیانی زۆری بۆ هەرێمی کوردستان هەبووە.

-حوکمڕانی باشمان هەبێت خەڵک خۆی بەرگریی لێدەکات.

-ئەگەر لە زیندان رێککەوتنم بکردایە ماوەی سزادانەکەم تەواو نەدەکرد.

-هەر لایەنێک لەگەڵ پرۆژەکەی نەوەی نوێ و یەکێتی نەکات پشتگیری پارتی و مەسرور بارزانی دەکات.

-بافڵ تاڵەبانی داوای لێکردین لە کۆبوونەوە لەگەڵ هەڵوێست و گۆڕان بەشداری بکەین.

-هەرگیز بە نهێنی لەگەڵ ماڵی بارزانی و تاڵەبانی کۆبوونەوەم نەکردووە.

-زیادکردنی دەنگی پارتی و یەکێتی لەکاتی نەدانی مووچە بۆ ملیۆنێک و 700 هەزار جێگەی باوەڕ نییە.

-لە هەڵبژاردنی داهاتوودا رێگە نادەین پارتی و یەکێتی ساختەکاری بکەن.

-بافڵ تاڵەبانی پێی وتم ئێمە دەتوانین جارێک فێڵتان لێبکەین، بۆیە فێڵتان لێناکەین.

-یەکێتی هەر کۆبوونەوەیەک لەگەڵ پارتی ئەنجام بدات بە ئاگاداری نەوەی نوێ دەبێت.

-بە یەکێتیمان وتوە تا واژۆکردنی رێککەوتنەکە بەشدارنابین لەگەڵتان لە کۆبوونەوەی لایەنەکان.

-پارە و داهات و نەوت و بڕیارە قورسەکان بەدەستی پارتییە و یەکێتیش قبووڵی کردووە.

-پارتی بۆ باشترکردنی ژیانی خەڵک بە داواکارییەکانی نەوەی نوێ و یەکێتی رازیی ببێت بۆ خۆی باشە.

-یەکێتی بەڵێنی داوە تەواوی خاڵەکانی نەوەی نوێ جێبەجێ بکات.

-بەپێی رێککەوتنەکەمان دەبێت پارەی کارەبا کەمبکرێتەوە و گرفتی مووچە چارەسەر بکرێت.

-لە هەڵبژاردنی داهاتوودا نەوەی نوێ بە تەنها بەشداری دەکات و لەگەڵ هیچ لایەنێک بەشداری ناکات.

-پارتی دژی نەوەی نوێ نییە بچێتە حکومەتی، بەڵام دژی هاوسەنگی هێزە.

-سەردانم بۆ لای لایەنە سیاسییەکانی عێراق پەیوەندی بە گەڕانەوەم بووە بۆ گۆڕەپانی سیاسی.

-بەهۆی دامەزراندنی ئێن ئاڕتییەوە لە ساڵی 2011 هیچ پرۆژەیەکمان نەدراوەتێ.

PM:10:17:28/02/2026

ئه‌م بابه‌ته 116 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت