عهلی حسێن: پۆستی سهرۆك كۆمار پشكی كورده و نابێت تاكلایهنه یهكلایی بكرێتهوه
وێستگهنیوز –
بهرپرسی مهكتهبی رێكخستنی پارێزگای سلێمانی و ههڵهبجهی پارتی دیموكراتی كوردستان رایگهیاند كه بههۆی ههڵبژاردنی پهرلهمانی عێراق و گرژییه سیاسییهكانی ناوچهكهوه راگهیاندنی كابینهی نوێی حكومهتی ههرێم كهمێك دواكهوتووه، دهشڵێت: "پۆستی سهرۆك كۆمار پشكی كورده و نابێت تاكلایهنه یهكلایی بكرێتهوه".
ئهمڕۆ سێشهممه، 24ی شوباتی 2026 عهلی حسێن، بهرپرسی مهكتهبی رێكخستنی پارێزگای سلێمانی، ههڵهبجه و راپهڕینی پارتی دیموكراتی كوردستان، له لێدوانێكدا بۆ رۆژنامهنووسان:
*پۆستی سهرۆك كۆماری عێراق پهیوهسته به تهواوی پێكهاتهی كوردهوه، وهك چۆن به پێی عورفی سیاسی پۆستی سهرۆكی پهرلهمان بۆ پێكهاتهی سوننه و سهرۆك وهزیران بۆ پێكهاتهی شیعه یهكلایی بووهتهوه.
پێویسته كورد لهنێو خۆیدا لهسهر كاندیدی سهرۆك كۆمار رێكبكهوێت.
*لای ئێمه كێشه نییه سهرۆك كۆمار سهر به پارتی بێت، یهكێتی بێت، یان كهسایهتییهكی بێلایهن بێت.
*گرنگ ئهوهیه به میكانیزمێكی كوردستانی دیاری بكرێت، نهك لایهنێكی سیاسی به تهنیا بڕیاری لهسهر بدات.
*هیچ ناكۆكییهكی ناوخۆیی لهنێو پارتیدا سهبارهت بهم پۆسته نییه.
*ئێمه وهكو پارتی پشتیوانی له بڕیاری ماڵی شیعه دهكهین.
*شیعهكان ئێستا نوری مالیكیان دیاریی كردووه، ههر كهسێكی دیكهش كاندید بكهن ئێمه به ههماههنگی لهگهڵ كورد و سوننه پشتیوانی لێ دهكهین و هاوكار دهبین.
*له دوای ههڵبژاردنهكانهوه، لیژنه هاوبهشهكانی پارتی و یهكێتی چهندین كۆبوونهوهیان ئهنجام داوه و لهسهر شێوازی كاركردن و دابهشكردنی زۆربهی پۆستهكانی كابینهی نوێی حكومهتی ههرێم گهیشتوونهته رێككهوتن.
* بههۆی ههڵبژاردنی پهرلهمانی عێراق و ئهو گرژییه سیاسییهی له ناوچهكهدا ههیه، به تایبهت ململانێكانی نێوان ئهمهریكا و ئێران، پرۆسهی راگهیاندنی كابینهی نوێ كهمێك دواكهوتووه.
*پێشبینی دهكرێت به پێكهێنانی حكومهتی عێراق و هێوكردنهوهی گرژییهكانی نێوان واشنتۆن و تاران، چارهسهركردنی گرفتهكانی ههرێمی كوردستانیش ئاسانتر بێت.
*داواكارم ههموو لایهنه كوردستانییهكان بهشدار بن له حكومهتی داهاتوودا.
PM:08:27:24/02/2026
ئهم بابهته 284
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت