سهرۆكی حكومهت و ههڵسوڕێنهری باڵیۆزخانهی ئهمریكا پهرهپێدانی پهیوهندییهكانیان تاووتوێ كرد
وێستگهنیوز –
سهرۆكی حكومهتی ههرێمی كوردستان و ههڵسوڕێنهری باڵیۆزخانهی ئهمریكا جهختیان له گرنگیی پێكهێنانی كابینهیهكی بههێز و سهرتاسهری حكومهتی ههرێمی كوردستان كردهوه.
ماڵپهڕی حكومهتی ههرێم بڵاویكردهوه كه "ئێوارهی ئهمڕۆ چوارشهممه 2/18، مهسرور بارزانی سهرۆكی حكومهتی ههرێمی كوردستان، پێشوازی له جۆشوا هاریس ههڵسوڕێنهری باڵیۆزخانهی ئهمریكا له عێراق كرد".
ئاماژه بهوهشدراوه كه "له كۆبوونهوهكهدا، پهرهپێدانی پهیوهندیی دوولایهنه، دۆخی گشتیی عێراق و گفتوگۆكانی پێكهێنانی كابینهی نوێی فیدراڵ و ههرێم تاووتوێ كرا".
بهگوێرهی ماڵپهڕهكه، ههردوولا هاوڕابوون لهسهر پێویستیی پێكهێنانی حكومهتێكی بههێز له عێراق لهسهر بنهمای ڕێزگرتن له دهستوور و سیستهمی فیدراڵی و قهواره و مافه دهستوورییهكانی ههرێمی كوردستان. حكومهتێك بێت كه بێ جیاوازی خزمهتی ههموو هاووڵاتییانی عێراق بكات.
هاوكات جهختیان له گرنگیی پێكهێنانی كابینهیهكی بههێز و سهرتاسهری حكومهتی ههرێمی كوردستان كردهوه.
راشگهیهندراوه كه له بهشێكی دیكهی گفتوگۆكاندا، ههڵسوڕێنهری باڵیۆزخانهی ئهمریكا له عێراق، پیرۆزبایی و دهستخۆشی له سهرۆكی حكومهت كرد بۆ چاكسازییهكانی حكومهتی ههرێمی كوردستان له كهرته جۆراوجۆرهكاندا.
PM:08:26:18/02/2026
ئهم بابهته 208
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت