جوڵانهوهی نهوهی نوێ: قسهكانی ئهو كارمهندهی لێدوانی بۆ وێستگهنیوز دا، شایهنی رێزلێنانه نهك سزادان
وێستگهنیوز –
جێگری سهرۆكی جوڵانهوهی نهوهی نوێ پشتیوانی خۆی بۆ ئهو كارمهنده راگهیاند كه لهسهر قسهكانی بۆ وێستگه نیوز دهربارهی كارهبای 24 كاتژمێری و زۆری پارهكهی، حكومهت دهیداته دادگا، دهشڵێت: "قسهكانی شایانی رێزلێنانه نهك سزادان".
دوێنێ چوارشهممه لهكاتی رووماڵی پیشهییانهی ئهمیر حهسهن پهیامنێری وێستگهنیوز له شاری رانیهی سنووری ئیدارهی راپهڕین لهسهر پرسی كارهبای پرۆژهی رووناكی و زۆری ئهو پارهیهی كه بۆ هاوڵاتیان هاتووهتهوه و بووهته بارگرانی بۆیان، كارمهندێكی كارهبای رانیه كه سهرقاڵی دابهشكردنی وهرهقهی كارهبا و كۆكردنهوهی پارهكهی بوو لێدوانی بۆ وێستگه دا.
ئهو كارمهندهی كارهبا باسی لهوه كرد كه ئهو پاره زۆرهی هاتووهتهوه "دزییه"، وتیشی: "نوێنهری پرۆژهی رووناكی بێت حسابی دهكهین ئهو پارهیه كردیه ئهوهنده چی دهڵێت به قسهی دهكهم، گهر وانهبوو با قهرهبووی خهڵك بكهنهوه، ئهو پارهیه دادوهری تێدا نییه".
ئهمڕۆ ئهو كارمهندهی كارهبا له ئیدارهی ڕاپهڕین بۆ وێستگهنیوز رایگهیاند كه گرفتی ۆ دروست بووه و بانگكراوهته فهرمانگهكهی و لێپرسینهوهی لهگهڵ كراوه و داوایلێكراوه ڤیدیۆیهك بكات و داوای لێبووردن بكات.
وتیشی: "بڕیاره رۆژی یهكشهممه دادگایی بكرێت، من گرێبهستم و ڤیدیۆ ناكهم و داوای لێبووردن ناكهم. توانای داراییشم خراپه و ناتوانم پارێزهر بگرم و پێویستم به پارێزهره".
رێبوار ئهوڕهحمان جێگری سهرۆكی جوڵانهوهی نهوهی نوێ له راگهیهندراوێكدا دهڵێت: "جگه له وتنی راستییهكی تاڵ و حاشاههڵنهگر، ئهم گهنجه بهڕێزه شتێكی تری نهوتووه.. بۆیه ههموو قسهكانی شایهنی رێزلێنانه نهك سزادان".
دهشڵێت: "ئۆفیسی یاسایی نهوهی نوێمان راسپارد ههموو ئامادهكارییهك بكهن بۆ بهرگریكردن لهم پیاوه حهقبێژه..".
جێگری سهرۆكی جوڵانهوهی نهوهی نوێ جهخت دهكاتهوه كه "ههرگیز حهقبێژان و بهرگریكاران له خهڵكی كهمدهرامهت بهتهنها جێناهێڵین و ئهوهی لهسهرشانمان بێت بەرامبەر ئەم گەنجە بەڕێزە، چ ئێستا و چ لە داهاتووش بەزیادەوە جێبەجێی دەکەین".
PM:09:40:12/02/2026
ئهم بابهته 576
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت