مەسرور بارزانی: هیچ رێککەوتنێک لەبارەی پۆستی سەرۆک کۆماری عێراقەوە نەکراوە

وێستگەنیوز-

سەرۆکی حکومەتی هەرێمی کوردستان ئاشکرای دەکات، هیچ رێککەوتنێک لەبارەی پۆستی سەرۆک کۆماری عێراقەوە نەکراوە، ئاماژە بەوەشدەکات، مەسعود بارزانی رۆڵی سەرەکیی بینی لە رێککەوتنەکەی هەسەدە و حکومەتی سوریا.

ئەمڕۆ یەکشەممە 1ی شوباتی 2025، مەسرور بارزانی، سەرۆکی حکwمەتی هەرێمی کوردستان بە رۆژنامەنووسانی رایگەیاند، "مەسعود بارزانی رۆڵی سەرەکیی بینی لە رێککەوتنەکەی هەسەدە و حکومەتی سوریا و هیوای خواست، ئاشتی و سەقامگیری بگەڕێتەوە سوریا و رۆژئاوای کوردستان".

لەبارەی پۆستی سەرۆک کۆماریش مەسرور بارزانی ئاشکرایکرد، "هیچ رێککەوتنێک نەکراوە، گفتوگۆکان بەردەوامن و بزانین بە چی دەگەین و بەپێی بەرژەوەندیی باڵاکانی گەلەکەمان بڕیار دەدەین".

سەرۆکی حکومەت دووپاتی کردەوە، "پێکهێنانی حکومەتی نوێی هەرێمی کوردستان و هەڵبژاردنی سەرۆک کۆماری عێراق دوو پرسی جیاوازن و نابێت تێکەڵ بکرێن".

AM:10:34:01/02/2026

ئه‌م بابه‌ته 140 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت