كەشناسی: لە سلێمانی و هەڵەبجە بارانبارینی بچڕ بچڕ تا دوانیوەڕۆ بەردەوام دەبێت
وێستگەنیوز-
بەڕێوەبەرایەتی گشتی کەشناسی و بوومەلەرزەزانی، پێشبینییەكانی بۆ 48 كاتژمێری داهاتوو بڵاوكردەوە و بارانبارینی بچڕ بچڕ لە سلێمانی و هەڵەبجە بەردەوام دەبێت.
بەپێی راگەیەندراوێكی بەڕێوەبەرایەتی گشتی کەشناسی و بوومەلەرزەزانی، ئەمڕۆ چوارشەممە، ئاسمان لە سنوری پارێزگای هەولێرو دهۆک نیمچە هەور و پەڵە هەور دەبێت و کاریگەری شەپۆڵەکە لەسەر پارێزگاکانی هەولێر و دهۆک کۆتای هاتووە.
ئاماژەشیكرد، لەسنوری پارێزگاکانی سلێمانی و هەڵەبجە وکەرکوک و ئیدارەی گەرمیان و ئیدارەی راپەرین بە شێوەی نمە بارانی پچر پچر بەردەوامی دەبێت تاکو دوای نیوەرۆ لە پاشان کەشەکە ئاسایی دەبێتەوە.
لە راگەیەندراوەكەدا هاتووە، "سبەی پێنجشەممە، ئاسمانى هەرێمی كوردستان بەگشتی ساماڵ و پەڵە هەور و هەندێ کات نیمچە هەور دەبێت".
بەرزترین پلەکانی گەرمای پێشبینیکراو بە پلەی سیلیزی
هەولێر : 15 پلەی سیلیزی
سلێمانی : 13 پلەی سیلیزی
دهۆک : 16 پلەی سیلیزی
زاخۆ :16 پلەی سیلیزی
کەرکوک : 16 پلەی سیلیزی
هەڵەبجە : 12 پلەی سیلیزی
سۆران: 11 پلەی سیلیزی
گەرمیان : 18 پلەی سیلیزی
AM:10:35:24/12/2025
ئهم بابهته 120
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت