فه‌رمانده‌یه‌كی په‌كه‌كه:هه‌نگاوی زیاتر نانێین و داواكاریمان ئازادكردنی ئۆجه‌لانه
ئامەد مەلازگرد
وێستگه‌نیوز –
ئه‌مڕۆ یه‌كشه‌ممه ئامەد مەلازگرد یه‌كێك له فه‌رمانده‌كانی هێزه‌كانی پاراستنی گه‌ل جه‌ختی له‌وه كرده‌وه پارتی كرێكارانی كوردستان "هیچ هه‌نگاوێكی دیكه نانێت" له پرۆسه‌ی ئاشتی له‌گه‌ڵ ئه‌نقه‌ره و داوای ئازادكردنی عه‌بدوڵا ئۆجه‌لان ڕێبه‌ری زیندانیكراوی حزبه‌كه‌ی كرد.
لە 47ـهەمین ساڵیادی دامەزراندنی پارتی کرێکارانی کوردستان (پەکەکە)دا ئامەد مەلازگرد رایگه‌یاند كه "په‌كه‌كه هه‌موو ئه‌و ئه‌ركانه‌ی له ئه‌ستۆیه‌تی جێبه‌جێی كردووه و نۆره‌ی هه‌نگاونانی ده‌وڵه‌ته".
ئامەد مەلازگرد وتی: "هه‌موو ئه‌و ئه‌ركه‌مان به‌جێهێنا كه له ئه‌ستۆی په‌كه‌كه بوو، به‌ڵام تا ئێستا ده‌وڵه‌ت هه‌نگاوێكی ڕوونی نه‌ناوه".
باسی له‌وه‌شكرد كه "ئێمه له نزیكه‌وه چاودێریی ده‌وڵه‌ت ده‌كه‌ین، چاوه‌ڕێین كه ئه‌وانیش هه‌ندێك هه‌نگاو بنێن. له‌به‌رئه‌وه له‌مه‌ودوا ئێمه هیچ هه‌نگاوێك نانێین".
جه‌ختی له‌وه‌شكرده‌وه كه "ئه‌گه‌ر ده‌وڵه‌تی توركیا به ڕاستی باسی خوشك-برایه‌تیی كورد و تورك ده‌كات، پێویسته هه‌نگاو بنێت. هه‌نگاوی یه‌كه‌م بریتییه له ئازادكردنی عه‌بدوڵا ئۆجه‌لان. هه‌نگاوی دووه‌م، پێویسته كورد له‌ناو ده‌ستووری بنه‌ڕه‌تیی توركیادا جێی بكرێته‌وه. ئێمه چاومان له‌سه‌ر ده‌وڵه‌تی توركیایه و ئه‌و هه‌نگاوانه‌ی ده‌ینێت گرنگه".
PM:06:36:30/11/2025
ئه‌م بابه‌ته 112
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت