دەستەی مافی مرۆڤ: بەڵگەکان کۆکراونەتەوە بۆ دۆزینەوەی ئەو کەسانەی لە خۆپیشاندانەکەی گوندی لاجان تەقەیان کردووە
.jpg)
وێستگەنیوز-
دەستەی مافی مرۆڤ لەبارەی رووداوەکەی ئێوارەی دوێنێی گوندی لاجان پەیامێکی بڵاوکردەوە.
ئەمڕۆ یەکشەممە 30ی تشرینی دووەمی 2025، "دوێنێ شەممە دوای ئەنجامدانی گردبونەوەی ژمارەیەک خەڵکی گوندی لاجان لەسنوری شاری هەولێر لەبەردەم کۆمپانیای لاناز ڕێگەیان گرتبوون بۆ پێشکەش کردنی چەند داواکاریەک بەداخەوە توندوتیژی و تەقەی لێکەوتەوە بووە هۆی کوژرانی گەنجێک و برینداربوونی چەند کەسێکی دیکە لە خەڵکەکە و پاسەوانانی کۆمپانیاکە، هەروەها توندوتیژی بەرامبەر چەند کەناڵێک و رۆژنامەنوسێک بەکار هاتووە، دەستەی سەربەخۆی مافی مرۆڤ ئیدانەی هەر جۆرە توندوتیژیەک دەکات کە ببێتە هۆی بەکارهێنانی چەک و کوشتنی لێ بکەوێتەوە".
ئاماژە بەوەکراوە، "بۆ ئەو مەبەستە بەفەرمانی بەڕێز سەرۆکی دەستە لەنزیکەوە تیمێکی تایبەتی دەستەی مافی مرۆڤ بەسەرۆکایەتی خاتو تاڤگە عمر بەڕێوەبەری گشتی فەرمانگەی یاساو پاراستنی مافی مرۆڤ و شاندێکی ناردە شوێنی ڕووداوەکەو لەوێ لەگەڵ چەند کەسێکی مەدەنی گفتوگۆیان کرد لەسەر رووداوەکە".
.
دەستەی مافی مرۆڤ دەڵێت، "دوای گفتوگۆی تیمی دەستە وهەریەک لەپارێزگاری هەولێرو بەڕێوەبەری ئاسایشی هەولێر بۆمان دەرکەوت کە لێکۆڵینەوە بەردەوامەو بەڵگەکان کۆکراونەتەوە بۆ دۆزینەوەی ئەو کەسانەی تەقەیان کردووە وە ئاماژەیان بەوەداوە هەرکەسێک تەقەی کردبێ ڕێکاری یاسایی بەرامبەر ئەنجام دەدرێت".
دەشڵێت، "دەستەی مافی مرۆڤ وێڕای پشتگیری کردن لەداواکاری هاوڵاتیان بۆ دابین کردنی ژیان و مافەکانیان لەهەمان کات پشتیوانی لەگردبونەوەکان دەکات بەڕێکاری یاسایی و مەدەنی دوور لەتوندوتیژی و هەمیشە دژی بەکارهێنانی چەک و توندوتیژین و دڵنیاتان دەکەین کەبەردەوام دەبین لە چاودێری کردنی ئەم کەیسە و دەرەنجامی لێکۆڵینەوەکان و پێویستە تەقەکەران و تۆمەتباران بەزوویی بدۆزرێنەوە بدرێنە دادگا".
PM:03:55:30/11/2025
ئه‌م بابه‌ته 264
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت