کوژراوەکەی شەرەکەی ئێوارەی دوێنێ کوردە و تەمەنی 24 ساڵە و شۆفێری بارهەڵگرە
وێستگەنیوز-
شەرەکەی ئێوارەی دوێنێی نێوان دانیشتوانی گوندی لاجان و هێزەئەمنییەکان کوژرا و برینداری لێکەوتەوە کەسوکاری گەنجە کوژراوەکە بە وێستگەنیوزیان راگەیاند، کە کورەکەیان ناوی عیرفان بەهادینە و تەمەنی 24 ساڵە و شۆفێری بارهەڵگرە و لە کۆمپانیای گەلیئاوا کاردەکات.
ئامۆزای عیرفان بەهادین لە لێدوانێکدا بۆ وێستگەنیوز رایگەیاند، "ئێوارەی دوێنێ لە دوای بیستنی شەهیدبوونی کوڕەکەمان راستەوخۆ پێمان راگەیەندرا گەیەندراوەتە پزیشکی دادی هەولێر، تا درەنگ چاوەڕێ بووین تەرمی عیرفان وەرگیرینەوە، چونکە پێیان وتین دەبێت لێکۆڵینەوە بکەین کە بزانین چۆن کوژراوە دواتر دەتاندەینەوە".
وەک ئامۆزاکەی وتی، "عیرفان تەمەنی 24 ساڵە و کوردە و بەرزنجییە و بەڕەچەڵەک خەڵکی کەرکوکە و لە هەولێر دادەنیشێت،شۆفێری بارهەڵگر بووە و لە گوێرەوە بار دەهێنێت بۆ پرۆژەکانی هەولێر، خێزاندارەو خاوەنی منداڵێکی تەمەن 2 مانگە".
هەروەها باوکی عیرفان کە ناوی بەهادین ئەحمەدە بە وێستگەی راگەیاند، "کوڕەکەی من بارهەڵگری پێیە و دوێنێ لەگەڵ لەگەڵ ژمارەیەک بارهەڵگری دیکە کەوتوونەتە ناو خۆپیشاندانەکەوە و رێگریان لێکردوون بڕۆن، کاتێک تەقەکراوە کوڕەکەم لەگەڵ برادەرەکەی لە ئۆتۆمبێلەکانیان دابەزیون، بۆ ئەوەی دەربازیان بێت و فیشەکیان بەرنەکەوێت، بەڵام لەنزیک بارهەڵگرەکان فیشەکیان پێوەناوە و کوشتوویانە".
وتیشی، "کە چووم بۆ پزیشکی داد بینیم بە دۆشکە لە چاوی کوڕەکەمیان دابوو، هەروەها سێ گرتە ڤیدیۆم لایە کە دەریدەخات ئەم کوڕەی من بە ناحەق کوژراوە".
باوکی دەڵێت، "بەخوا کوڕەکەم کرێچییە و بە قەرز ژنم بۆ هێناوە و دوو مانگە منداڵیان بووە".
ئێوارەی دوێنێ شەممە 29ی تشرینی دووەمی 2025، له نێوان خۆپیشانده‌رانی گوندی لاجانی سنووری پارێزگای هه‌ولێر و هێزه ئه‌منییه‌كان شه‌ڕو ئاڵۆزی دروستبوو و ته‌قه‌كرا و كوژراو و برینداری لێكه‌وته‌وه.
PM:01:38:30/11/2025
ئه‌م بابه‌ته 572
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت