کەشناسیی هەرێم: لە بەشێك لە ناوچەکان ئەگەری بارانبارین هەیە

وێستگەنیوز-

بەڕێوەبەرایەتیی کەشناسیی هەرێمی کوردستان رەوشی کەشوهەوای 48 کاتژمێری داهاتووی بڵاوکردەوە.

کەشناسیی هەرێمی کوردستان رایگەیاند، "لە ئەنجامی هاتنی نزمە پاڵە پەستۆی لاواز بۆ سەر ناوچەکەمان کەشی ناوچەکەمان بەم شێوەیە دەبێت ئاسمان نیمچە هەور دەبێت و پێشبینی نمە باران لە سەر هەندێک ناوچەی شاخاویی هەیە بەشێوەی نمە بارانی پچر پچری کەم لە کاتەکانی ئێوارە و شەو، پلەکانی گەرما نزیک دەبێتەوە لە تۆمارکراوەکانی دوێنێ".

ئاماژە بەوەکراوە، "سبەی دووشەممە 1ی کانونی یەکەمی 2025، لە ئەنجامی بەردەوامی ئەو نزمە پاڵە پەستۆ لاوازەی کە تا کاتەکانی نیوەڕۆ بەردەوامی دەبێت، پێشبینی دەکەین سبەی ئاسمان بە گشتی نیمچە هەور بێت، هەروەها پێشبینی باران دەکەین لە سەر ناوچە شاخاوییە سنوورییەکان و بەشێک لە ناوچە شاخاوییەکانی سنووری پارێزگای سلێمانی و ئەگەری دروستبوونی هەورە تریشقە هەیە، لە دوانیوەڕۆ کەشەکە ئاسایی دەبێتەوە و ئاسمان دەگۆڕێت بۆ پەڵە هەور، پلەکانی گەرما 2 بۆ 3 پلە دادەبەزێت بەراورد بە تۆمارکراوەکانی ئەمڕۆ".

بەرزترین پلەکانی گەرمای پێشبینیکراو بە پلەی سیلیزی:

هەولێر : 21پلەی سیلیزی
سلێمانی : 20پلەی سیلیزی
دهۆک : 20 پلەی سیلیزی
زاخۆ : 20 پلەی سیلیزی
کەرکوک : 22 پلەی سیلیزی
هەڵەبجە : 18 پلەی سیلیزی
گەرمیان : 22 پلەی سیلیزی
سۆران : 18 پلەی سیلیزی

AM:11:43:30/11/2025

ئه‌م بابه‌ته 316 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت