نهبیل مهرسومی: له گهرمهی ناكۆكییهكانی ههولێر و بهغدا، بازرگانيی نایاسایی به نهوتی ههرێم دهكرێت
وێستگهنیوز-
نهبیل مهرسومی شارهزای ئابووری عێراقی رایگهیاند كه له گهرمهی ناكۆكییهكانی ههولێر و بهغدا، بازرگانيی نایاسایی به نهوتی ههرێم دهكرێت.
نهبیل مهرسومی شارهزای ئابووری عێراقی له فهیسبووكی خۆی نووسیویهتی:
*بهگوێرهی راپۆرتێكی رادیۆ زهمانه كه بنكهكهی له ئهمستردامه، زیاتر له 400 تانكهر كه نهوتی قاچاخی ههرێمی كوردستانیان ههڵگرتووه، له سنووری ئێران و ئهفغانستان گیریان خواردووه، بههۆكاری ئهوهی دهسهڵاتدارانی ئهفغانستان رێگایان نهداوه نهوتهكه بچێته ئهو وڵاتهوه بهپاساوی ئهوهی له پشكنین دهرنهچووه.
*بهگوێرهی زانیارییهكانی زووم نیوز، ئهو تانكهرانه له سلێمانی نهوتیان باركردووه و له دهروازهی سنووری باشماخهوه رۆیشتوون و بهرله بهڕێكهوتنیان پشكنینیان بۆ كراوه، بهڵام لهلایهن دهسهڵاتدارانی ئهفغانستانهوه، راگیراون.
*شۆفێرانی تانكهرهكان رایانگهیاندووه كه ماوهی چهند ڕۆژێكه گیریان خواردووه و بهرپرسانی ئهفغانستانیان تۆمهتبار كرد بهوهی به ناڕهوا رایانگرتوون و رێگایان پێنادهن نهوتهكه ببهنه ئهفغانستان.
*حسێن محهمهدیان ئهندامی ژووری بازرگانی هاوبهشی ئێران و ئهفغانستان پێشتر ڕایگهیاندبوو كه لهڕێی بارههڵگره ئێرانییهكانهوه سووتهمهنی عێراق دهگوازرێتهوه بۆ ئهفغانستان.
* حسێن محهمهدیان ئاماژهی بهوهدابوو كه ههرچهنده نهوتهكه له بازرگانێكی ئهفغانی كڕدراوه، بهڵام حكومهتی تاڵیبان به هۆكاری خراپی كوالیتیهكهی رێگانادات بچێته ئهو وڵاتهوه.
*ئهم بازرگانییه نایاساییه له كاتێكدایه كه ناكۆكی نێوان بهغدا و ههولێر لهسهر نهوتی ههرێمی كوردستان بهردهوامه.
PM:08:05:31/08/2025
ئهم بابهته 700
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت