ئاگره‌كه‌ی‌ پێنجوێن كۆنترۆڵ‌ كرا

‌

هێمن ئیبراهیم، قائیمقامی قه‌زای پێنجوێن له‌ لێدوانێكی‌ رۆژنامه‌وانیدا وتی‌: "ئاگره‌كه‌ی سنووری پێنجوێن به‌ ته‌واوی كۆنتڕۆڵكرا".

كاتێكی‌ پێشتری‌ ئه‌مڕۆ پۆلیسی دارستان و ژینگه‌ی سلێمانی له‌ راگه‌یه‌ندراوێكدا بڵاویكرده‌وه‌ كه‌ "ئاگره‌كه‌ی سنوری قه‌زای پێنجوێن سنوری چه‌ند گوندێكی وه‌ك (هه‌ڵاڵاوا، مه‌سۆ، كێلو، نزاره‌ و ده‌ره‌گورگان)ی گرتۆته‌وه‌".

ئه‌وه‌شی‌ خسته‌ڕوو كه‌ "به‌هۆی ئه‌و ئاگره‌وه‌ چه‌ند بریندارێك هه‌یه‌ كه‌ دوو هاوڵاتی دڵسۆز و خۆبه‌خشن له‌گه‌ڵ به‌ڕێوه‌به‌ری پۆلیسی دارستانی پێنجوێن و له‌ ئێستادا له‌ژێر چاره‌سه‌ردان".

راشیگه‌یاند كه‌ "له‌ ئێستادا كه‌سێك به‌تۆمه‌تی كه‌وتنه‌وه‌ی ئاگره‌كه‌ ده‌ستگیركراوه‌ و لێكۆڵینه‌وه‌ و به‌دواداچوون به‌رده‌وامه‌".