دەستەی سەربەخۆی مافی مرۆڤ لە هەرێم ئاگاداری کەسوکاری دەستگیرکراوانی هێزەکانی دووپشک دەکاتەوە

وێستگەنیوز-

ئاگادارییەک لە دەستەی سەربەخۆی مافی مرۆڤ لە هەرێمی کوردستان بۆ خانەوادەی ئەو کەسانەی کە ئەندامی هێزەکانی دوو پشک بوون و ئێستا لای ئاسایشی سلێمانی راگیراون.

ئەمڕۆ هەینی 29ی ئابی 2025، دەستەی سەربەخۆی مافی مرۆڤ لە هەرێمی کوردستان رایگەیاند، "لە بەردەوامی هەوڵەکانی دەستەی سەربەخۆی مافی مرۆڤ بۆ سۆراخکردنی ئەو کەسانەی تا ئێستا چارەنووسیان دیار نەبووە یان سەردانیان نەکردوون خانەوادەی بەڕێزی ئەو کەسانە ئاگادار دەکەینەوە کە ئەندامی هێزەکانی دوو پشک بوون و لە شەڕەکەی 22ی ئاب لە لالەزار بەشداربوون و ئێستا لای ئاسایشی سلێمانی راگیراون".

ئاماژە بەوەکراوە، "بەسوپاسەوه دوای هەماهەنگی کردن لەگەڵ دەزگای ئاسایشی گشتی / سلێمانی ئاگاداریان کردینەوە کە رۆژانی یەکشەمە و دووشەممەی داهاتوو کە هاوکاتە لەگەڵ 1 و 2ی ئەیلولی 2025 کەسوکاریان دەتوانن سەردانی کوڕەکانیان بکەن".

PM:09:54:29/08/2025

ئه‌م بابه‌ته 136 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت