یونسێف: دووههزار منداڵ له فهرهنسا شهوان لهسهر شهقامهكان دهخهون
وێستگەنیوز_
ڕێكخراوی یونیسێف دەڵێت، ڕێژهی منداڵانی بێلانه له فهرهنسا بهراورد به ساڵی 2022 شهش هێنده زیاد بووه؛ دهشڵێت، منداڵانی بێلانه لهو وڵاته به دهست كاریگهرییه نهرێنییهكانهوه گرفتارن.
ڕێكخراوی یونیسێفی سهر به نهتهوه یهكگرتووهكان بڵاوی كردهوه، 2000 ههزار منداڵ له فهرهنسا بێلانهن و شهوان لهسهر شهقامهكان دهخهون.
ئاماژهی بهوهشكردووه، ڕێژهی منداڵانی بێلانه له فهرهنسا بهراورد به ساڵی ڕابردوو 30%ـی زیادی كردووه و بهراورد به ساڵی 2022 شهش هێنده زیادی كردووه؛ ئهو منداڵانه ڕووبهڕووی چهندان كاریگهریی نهرێنی بوونهتهوه، بهتایبهتی دواكهوتن له خوێندن و دابڕان له پرۆسهی پهروهرده و تێكچوونی باری تهندروستیی جهستهیی و دهروونیان.
بەگوێرەی ئامارێکی پەیمانگای نیشتمانیی فهرهنسا بۆ ئامار (INSEE)، ڕێژەی ههژاری لهو وڵاته ساڵانه له بهرزبوونهوهی بهردهوامدایه، به شێوهیهك له ساڵی 2023 ڕێژەكه زیاتر له 15% بووه.
AM:09:12:29/08/2025
ئهم بابهته 156
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت