چوار تۆمه‌تباری تاوانێكی كوشتن له‌ دهۆك، له‌ سلێمانی ده‌ستگیركران


وێستگه‌نیوز-
به‌ڕێوه‌به‌رایه‌تی ئاسایشی پارێزگای سلێمانی رایگه‌یاند كه‌ چوار تۆمه‌تباری هه‌ڵاتوو له‌یاسای له‌ یه‌كێك له‌ هۆتێله‌كانی شاری سلێمانی ده‌ستگیركردووه‌ كه‌ به‌مه‌به‌ستی خۆحه‌شاردان ڕوویان له‌سلێمانی كردبوو.


به‌ڕێوه‌به‌رایه‌تی ئاسایشی سلێمانی له‌ راگه‌یه‌ندراوێكدا ده‌ڵێت: "تۆمه‌تباران له‌ساڵی 2024 له‌ پارێزگای دهۆك له‌سه‌ر كێشه‌ی كۆمه‌ڵایه‌تی هاوڵاتییه‌كیان كوشتووه‌ و هه‌ڵاتوون".

ئاماژه‌شی‌ به‌وه‌دا كه‌ "له‌ 2025/8/19 دوای چاودێری و به‌دواداچوون و كۆكردنه‌وه‌ی زانیاری، به‌بڕیاری دادوه‌ری لێكۆڵینه‌وه‌ی ئاسایش توانیان هه‌ر چوار تۆمه‌تبار ده‌ستگیربكه‌ن".

ئاسایشی سلێمانی راشیگه‌یاند كه‌ "له‌ ئێستادا تۆمه‌تباران به‌ مادده‌ی (406) له‌یاسای سزادانی عێراقی راگیراون و به‌پێی تایبه‌تمه‌ندی كه‌یسه‌كه‌یان، راده‌ستی به‌ڕێوه‌به‌رایه‌تی پۆلیسی پارێزگای دهۆك كران".


PM:08:07:28/08/2025


ئه‌م بابه‌ته 272 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو