بڕیارە ئەمڕۆ دووەمین دانیشتنی دادگاییکردنی شاسوار عەبدولواحید بەڕێوەبچێت
وێستگەنیوز_
بڕیارە ئەمرۆ پێنجشەممە 28ـی ئابی 2025 لە دادگای سلێمانی، دووەمین دانیشتی دادگاییکردنی شاسوار عەبدولواحید بەڕێوەبچێت. پێشتریش جێگری سەرۆکی دادگای سلێمانی رایگەیاندووە، ''ناتوانین بڵێین دۆسیەکە 28ـی مانگ یەکلایی دەبێتەوە، چونکە هەندێک رێوشوێنی یاسایی هەن، کە پێویستیان بە چەند دانیشتنێکی دادگا دەبێت.''
ئەمرۆ 16 ڕۆژ تێپەڕدەبێت بەسەر دەستگیرکردنی سەرۆکی جوڵانەوەی نەوەی نوێ.
رۆژی پێنجشەممە 21ـی ئابی 2025، یەکەم دانیشتنی دادگا بەڕێوەچوو کە تێیدا بڕیاربوو دادگا بڕیار لەسەر کەیسی شاسوار عەبدولواحید بدات، بەڵام دانیشتنەکە دواخرا.
شەوی 12ـی 8ـی 2025، شاسوار عەبدولواحید لە لایەن هێزێکی پۆلیسی سلێمانی دەستگیرکرا و سەرکەوت ئەحمەد، وتەبێژی پۆلیس رایگەیاند، "لەسەر چەند سکاڵایەک ناوبراو دەستگیرکراوە".
ئەو ماددە یاساییەی شاسوار عەبدولواحیدی پێ سزادراوە ماددەی 431ـە لە یاسای سزادانی عێراقی و شەش مانگ زیندانی بەسەردا سەپێندراوە.
پێشتر حاکم سەڵاح حەسەن، جێگری سەرۆکی دادگای سلێمانی رایگەیاند، ''ئەوەی پێویست بوو لە دانیشتنی یەکەم کرا و دادبینیییەکەش بە مەبەستی تەواوکردنی رێکارەکانی پێویست بۆ یەکلاییکردنەوەی دۆسیەکە دواخراوە''.
ئاماژەی بەوەشکرد، ''ناتوانین بڵێین دۆسیەکە 28ـی مانگ یەکلایی دەبێتەوە، چونکە هەندێک رێوشوێنی یاسایی هەن، کە پێویستیان بە چەند دانیشتنێکی دادگا دەبێت.''
سەبارەت بە ئازادکردنی شاسوار عەبدولواحید بە کەفالەت، حاکم سەڵاح وتی: ''ئەمە لە تایبەتمەندی و دەسەڵاتی دادوەردایە لەکاتی دادگاییکردنیدا، ئەگەر 28ـی مانگیش دادوەر بڕیاری بە کەفالەت ئازادکردنی شاسوار عەبدولواحید بدات، ناتوانێت بچێتەوە ماڵەوە، بەڵکو دەبێت دۆسیەکانی دیکەی یەکلایی بکرێنەوە، پاشان ئازاد بکرێت، واتا تۆمەتبار هەر فەرمانێکی دەستگیرکردنی هەبێت، دەبێ یەکلایی بکرێنەوە.''
AM:08:44:28/08/2025
ئه‌م بابه‌ته 184
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت