فەرەنسا: تێكەڵكردنەوەی هەسەدە وەك بەشێك لە سوپای سووریا خزمەتی سەقامگیریی وڵاتەكە دەكات
وێستگەنیوز_
وەزارەتی دەرەوەی فەرەنسا پشتیوانی خۆی بۆ بەردەوامبوونی دانوستانەكانی نێوان خۆسەریی و دەسەڵاتی دیمەشق دەردەبڕێت و دەڵێت، تێكەڵكردنەوەی هەسەدە وەك بەشێك لە سوپای سووریا خزمەتی سەقامگیریی وڵاتەكە دەكات.
وەزارەتی دەرەوەی فەرەنسا لە راگەیەندراوێكدا رایگەیاندووە، پاریس و واشنتۆن پێكەوە پشتیوانی لە دانوستانەكانی نێوان ئیدارەی خۆسەریی باكوور و رۆژهەڵاتی سوریا لەگەڵ حكومەتی دیمەشق دەكەن و هەوڵی لەیەکتر نزیككردنەوەی تێڕوانینەكانی هەردوولا دەدەن.
لە راگەیەنراوەكەدا هاتووە، فەرەنسا لە پێناو سەقامگیریی و بەرەنگاربوونەوەی تیرۆر گرنگی بە بەشداری و تێكەڵبونی هێزەكانی سووریای دیموكرات (هەسەدە) لەگەڵ سوپای سووریا دەدەن.
هەروەها جەختی لەوە كردووەتەوە، پاریس هاوشێوەی رابردوو، پابەندە بە دۆزینەوە چارەسەری ئاشتییانە بۆ سووریایەكی ئازاد و سەقامگیر.
دەشڵێت: پێویستە بۆ بونیادنانی سووریایەكی بەهێز لە ناوچەكە و بەرەنگاربوونەوەی تیرۆر، هەوڵی نزیككردنەوەی دید و بۆچوونی خۆسەریی باكووری سووریا و حكومەتی كاتیی دیمەشق بدرێت.
PM:12:37:13/08/2025
ئه‌م بابه‌ته 292
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت