به‌رگری شارستانی هه‌رێم: ته‌نها له‌ئه‌مڕۆدا شه‌ش كه‌س له‌كاتی مه‌له‌كردن خنكاون
وێستگه‌نیوز-
به‌ڕێوه‌به‌رایه‌تی گشتی به‌رگری شارستانی هه‌رێمی كوردستان رایگه‌یاند، ئێواره‌ی ئه‌مڕۆ دوو كه‌سی دیكه له سنوری پارێزگای هه‌ڵه‌بجه خنكان و به‌وه‌ش ته‌نها له‌ئه‌مڕۆدا شه‌ش كه‌س له‌كاتی مه‌له‌كردن خنكاون.
به‌ڕێوه‌به‌رایه‌تی گشتی به‌رگری شارستانی هه‌رێم له راگه‌یه‌ندراوێكدا ئاماژه‌ی به‌وه‌دا كه "ئه‌م ئێواره‌یه دوو هاونیشتمانی له پۆندی پریس له پارێزگای هه‌ڵه‌بجه خنكان كه یه‌كێكیان له‌دایكبوی ساڵی 2003 و ئه‌وی دیكه‌ش له‌دایكبوی ساڵی 1994ـه".
به‌رگری شارستانی هه‌رێم ده‌ڵێت: "ته‌نیا ئه‌مڕۆ شه‌ش كه‌س خنكاون. داوا له هاوڵاتیان، دایك و باوكان، گه‌نجان ده‌كه‌ین، دوربكه‌ونه‌وه له مه‌له‌كردن، سروشتی ئاوه‌كان له هه‌رێمی كوردستان شیاوی مه‌له‌كردن نین و سه‌لامه‌تی خۆتان له‌هه‌موو شتێك گرنگتره".
راشیگه‌یاندووه كه "كۆی گشتی ئاماری خنكان له‌مساڵدا گه‌یشته 43 كه‌س كه زۆربه‌یان ته‌مه‌نیان له 25 ساڵ كه‌متره، بۆیه گرنگه دایك و باوكان به‌هیچ شێوه‌یه‌ك رێگا به منداڵه‌كانیان نه‌ده‌ن بچنه ئه‌م شوێنانه بۆ مه‌له‌كردن: زێ، ڕوبار، به‌نداو، پۆند و گۆماوه‌كان".
PM:10:01:04/08/2025
ئه‌م بابه‌ته 556
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت