دەستەی سەربەخۆی مافی مرۆڤ لە هەرێم: چاومان بە هونەر رەشید ئاغا کەوتووە و هیچ کێشەیەکی نییە

وێستگەنیوز-

تیمێکی دەستەی سەربەخۆی مافی مرۆڤی هەرێمی کوردستان سەردانی هاوڵاتی "هونەر رشید ئاغا"ی کردووە و دەڵێن، "هیچ کێشەیەکی نییە و لە چوارچێوەی رێکارە یاساییەکان دا مامەڵەی لەگەڵ دەکرێت".

ئەمڕۆ دووشەممە 4ی ئابی 2025، دەستەی سەربەخۆی مافی مرۆڤی هەرێمی کوردستان رایگەیاند، "دوای بڵاوبوونەوەی چەند هەواڵێک لەسەر کەیسی هاوڵاتی "هونەر رەشید ئاغا" کە باس لەدیار نەبوونی چارەنووسی و کوژرانی دەکرا بۆ ئەم مەبەستە لەسەر فەرمانی د.مونا یاقۆ، سەرۆکی دەستە تیمێکی دەستەی راسپارد بۆ بەدواداچوون بۆ کەیسی ناوبراوو تیمەکەش سەردانی بەڕێوەبەرایەتی ئاسایشی هەولێریان کرد و لەنزیکەوە لەکەڵ ئیدارەی ئاسایش گفتوگۆیان کرد و چاویان کەوت بەناوبراویش".

ئاماژە بەوەکراوە، "بۆ ئەو مەبەستەش بەڕێوەبەری گشتی فەرمانگەی یاساو پاراستنی مافی مرۆڤ تاڤگە عومەر ئاماژەی بەوە کردووە دوای سەردانی کردن و دڵنیابوونەوە لەتەندروستی ناوبراو لە ئێستادا هیچ کێشەیەکی نییە و لەچوارچێوەی رێکارە یاساییەکان مامەڵەی لەگەڵ دەکرێت و ماوەی یاسایی خۆی بەسەر دەبات، دەستەش بەردەوام دەبێت لەبەدواداچوونەکان لەهەر کاتێکدا پێویست بێت".

PM:06:28:04/08/2025

ئه‌م بابه‌ته 828 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت