کونسوڵخانەی ئەمریکا لە هەولێر: هێرشە درۆنییەکانی سەر کێڵگە نەوتییەکانی سەرسنگ و خورمەڵە قبووڵکراو نین
وێستگەنیوز-
کونسوڵخانەی ئەمریکا لە هەولێر لەبارەی هێرشە درۆنییەکانی ئەم دواییەی ناوچەکانی عێراق و هەرێمی کوردستان راگەیەندراوێکی بڵاوکردەوە.
ئەمڕۆ سێشەممە 15ی تەموزی 2025، کونسوڵخانەی گشتیی ئەمریکا لە هەولێر رایگەیاند، "هێرشە درۆنییەکانی ئەم دواییەی سەرانسەری عێراق سەرکۆنە دەکەین، لە نێویشیاندا هێرشە درۆنییەکانی 14 و 15ی تەمووز بۆ سەر ژێرخانی گرنگ لە کێڵگە نەوتییەکانی خورمەڵە و سەرسنگ".
ئاماژەی بەوەشکرد، "پێویستە حکومەتی عێراق دەسەڵاتی خۆی بۆ رێگریکردن لە گروپە چەکدارەکان بەکاربهێنێت بۆ ئەوەی نەتوانن ئەم هێرشانە بکەنە سەر شوێنەکانی نێو خاکەکەی، لەنێویاندا ئەو شوێنانەی کۆمپانیا عێراقی و نێودەوڵەتییەکان وەبەرهێنانیان لە داهاتووی عێراقدا کردووە."
ئەوەشخراوەتەڕوو، "ئەم هێرشانە مایەی قبووڵکردن نین، سەروەریی عێراق پێشێل دەکەن و زیان بە هەوڵەکانی عێراق بۆ راکێشانی وەبەرهێنانی بیانی دەگەیێنن، داوا لە حکومەتی عێراق دەکەین لێکۆڵینەوە بکات بۆ دۆزینەوەی ئەو کەسانەی لە پشت ئەم هێرشانەوەن و رووبەڕووی بەرپرسیارێتییان بکەنەوە".
PM:01:03:15/07/2025
ئه‌م بابه‌ته 464
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت