وه‌زاره‌تی بازرگانی و پیشه‌سازی: ماوه‌ی پڕكردنه‌وه‌ی فۆڕمی ئه‌لیكترۆنی خۆراك درێژكرایه‌وه
وێستگه‌نیوز-
وه‌زاره‌تی بازرگانی و پیشه‌سازی هه‌رێمی كوردستان هاوڵاتیان ئاگادار ده‌كاته‌وه كه ماوه‌ی پڕكردنه‌وه‌ی فۆڕمی ئه‌لیكترۆنی خۆراك درێژكرایه‌وه.
ئه‌مڕۆ هه‌ینی وه‌زاره‌تی بازرگانی و پیشه‌سازی هه‌رێمی كوردستان ئاگادارییه‌كی بڵاوكرده‌وه و تیایدا هاتووه "ئاگاداری هاوڵاتیانی هه‌رێمی كوردستان ده‌كه‌ین له‌سه‌ر داواكاری وه‌زاره‌تمان و به‌پێی ڕێكه‌وتنێك له‌نێوان به‌ڕێوه‌به‌ری گشتی بازرگانی هه‌رێم و به‌ڕێوه‌به‌ری گشتی فه‌رمانگه‌ی دارایی عیراق ماوه‌ی پڕكردنه‌وه‌ی فۆڕمه‌كه (25) بیست و پێنج ڕۆژ درێژكرایه‌وه".
وه‌زاره‌ته‌كه داوا له هاوڵاتیان ده‌كات له‌و ماوه‌یه‌دا فۆڕمه‌كانیان پڕبكه‌نه‌وه، تا بێبه‌ش نه‌بن له به‌شه‌خۆراكی مانگانه.
PM:03:39:04/07/2025
ئه‌م بابه‌ته 484
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت