تەندروستیی سلێمانی: بەهۆی خۆڵبارینەوە 15 کەس سەردانی نەخۆشخانەیان کردووە

وێستگەنیوز-

بەڕێوەبەرایەتیی تەندروستیی سلێمانی رایدەگەیەنێت، بەهۆی خۆڵبارینەوە 15 کەس سەردانی نەخۆشخانەیان کردووە.

ئەمڕۆ سێشەممە 1ی تەموزی 2025، بەڕێوەبەرایەتیی تەندروستیی سلێمانی رایگەیاند، "لەئیوارەی دوێنیوە تا کاتژمێر (12:00) پێشنیوەڕۆی ئەمڕۆ لە شاری سلێمانی بەهۆی کاریگەری شەپۆلی خۆڵبارینەوە 15 هاوڵاتی سەردانی نەخۆشخانەکانیان کردووە بە مەبەستی وەرگرتنی چارەسەر".

ئاماژە بەوەکراوە، "دوای ئەنجامدانی ڕێکارە تەندروستییەکان سەرجەم ئەو هاوڵاتییانە باری تەندروستیان جێگربووە و گەڕاونەتەوە ماڵەوە".

PM:01:01:01/07/2025

ئه‌م بابه‌ته 208 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت