گەشتە ئاسمانییەکان لە فڕۆکەخانەی نێودەوڵەتی سلێمانی دەستیپێکردەوە

وێستگەنیوز-

دوای ئەوەی بەهۆی شەڕی ئێران و ئیسرائیلەوە گەشتە ئاسمانییەکان لە هەموو عێراق راگیرا، دوێنێ دەستیپێکردەوە و ئەمڕۆش فڕۆکەخانەی سلێمانی یەکەم گەشتی ئەنجامدا.

ئەمڕۆ چوارشەممە 25ی حوزەیرانی 2025، فڕۆکەخانەى نێودەوڵەتى سلێمانى رایگەیاند، "دوای بڕیاری کردنەوەی ئاسمانی عێراق بەڕووی جوڵەی فڕۆکەوانیدا ئێوارەی ئەمڕۆ 25ی حوزەیرانی 2025، یەکەم گەشتی فڕۆکەوانی لەلایەن هێڵی ئاسمانی عێراقییەوە بۆ فڕۆکەخانەی نێودەوڵەتی سلێمانی و بەپێچەوانەوە ئەنجام درا".

ئاماژە بەوەشکراوە، "وابڕیارە هێڵە ئاسمانییەکانی تریش بەپێی پلانی خۆیان دوایی ڕێکخستنەوەی خشتەی گەشتەکانیان، گەشتە ئاسمانییەکانیان دەستپێبکەنەوە".

PM:09:37:25/06/2025

ئه‌م بابه‌ته 156 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت